مجیب اعجاز (انجینئر)

مجیب اعجاز، ایک پاکستانی انجینئر ہیں جنھوں نے دنیا کی طاقتور ترین بیٹری ایجاد کی۔ مجیب اعجاز امریکہ میں ون نیکسٹ انرجی نامی کمپنی کے مالک ہیں۔ وہ جیمینائی نامی بیٹری کے موجد ہیں۔ جیمینائی نامی یہ بیٹری صرف ایک چارج میں کسی بھی الیکٹرگ گاڑی کو 752 میل یا 1200کلومیٹر تک کا طویل سفر کرنے کے قابل بنا سکتی ہے۔

مجیب اعجاز
معلومات شخصیت
پیدائش	(1967-05-18) مئی 18, 1967 لاہور, پاکستان
رہائش	ریڈ فورڈ، ورجینیا
شہریت	ریاستہائے متحدہ امریکا، پاکستان
قومیت	پاکستانی امریکی
مذہب	اسلام
شوہر	صبیحہ اعجاز
اولاد	3
عملی زندگی
مادر علمی	ورجینیا ٹیک

مجیب اعجاز کی امریکا میں "ون نیکسٹ انرجی” کے نام سے کمپنی بہت تیزی سے ترقی کی منازل طے کررہی ہے۔ مجیب اعجاز کی "جیمینائی بیٹری” 21ویں صدی کی سب سے بڑی ایجادات میں سے ایک مانی جارہی ہے، مجیب نے اپنی کمپنی کی بنیاد ہی اِس مقصد کے ساتھ رکھی کہ وہ الیکٹرک گاڑیاں تیار کرنے والی کمپنیوں کے لیے ایک ایسی جدید ترین بیٹری تیار کریں گے جو اِن کے ایک چارج میں زیادہ طویل سفر طے کرنے کے مسئلے کو حل کرسکے۔

مجیب اعجاز کے پاس اپنی کوئی ذاتی پراپرٹی یا ایسی کوئی چیز نہ تھی جسے فروخت کرکے وہ کسی ایسی کمپنی کا آغاز کر سکتے جو مستقبل کی جدید بیٹریاں تیار کرے۔ ایسے میں انھوں نے اپنا پلان بل گیٹس اور امیزون کے جیف بیزوس کے سامنے رکھا۔ دونوں شخصیات کو اِن کا پلان پسند آیا اور انھوں نے مجیب کی کمپنی میں 25ملین ڈالر(تقریباً 4ارب 50 کروڑ پاکستانی روپے) کی سرمایہ کاری کردی اور آج مجیب نے "جیمینائی بیٹری” تیارکر کے بل گیٹس اور جیف بیزوس کی سرمایہ کاری کو درست ثابت کیا۔

مجیب اعجاز کی "جیمینائی بیٹری” کو ایلون مسک کی ٹیسلا موٹرز کی جانب سے اپنیے گاڑیوں کے نئے ماڈل "ایس" کے لیے منتخب کرنا، نہ صرف مجیب کے لیے بڑی کامیابی ہے بلکہ پاکستان اور پوری پاکستان قوم کے لیے باعث فخر ہے۔

آج جبکہ دنیا کی بڑی بڑی ٹیک کمپنیوں میں انڈیا کے سی ای اوز CEOs ہیں جیسا کہ گوگل اور مائیکروسافٹ وغیرہ، ایسے میں مجیب اعجاز نے ثابت کیا ہے کہ پاکستانی بھی اتنے ہی باصلاحیت ہیں۔

مجیب دنیا کی سب سے بڑی اسمارٹ فون ساز کمپنی "ایپل” میں بطور سینئر ڈائریکٹر بھی اپنی خدمات انجام دے چکے ہیں اس کے علاؤہ وہ امریکا کی ایک بڑی آٹو موبائل کمپنی "فورڈ" موٹرز سے بھی وابستہ رہے ہیں۔