مدھو سپرے

مدھو سپرے (پیدائش 14 جولائی 1971) مہاراشٹر سے تعلق رکھنے والی ایک ہندوستانی سپر ماڈل ہیں۔ انھوں نے 1992 میں فیمینا مس انڈیا مقابلہ جیتا تھا۔

مدھو سپرے
معلومات شخصیت
پیدائش	14 جولا‎ئی 1971ء (53 سال)  ممبئی
شہریت	بھارت
عملی زندگی
پیشہ	ماڈل ،  شریک مقابلہ حسن ،  ٹیلی ویژن اداکارہ
	مدھوشری سپرے (1971-07-14) 14 جولائی 1971 ناگپور, بھارت
	IMDB پر صفحہ

کیریئر

1990 کی دہائی میں سپرے ایک ایتھلیٹ تھیں جو اس وقت شہرت کی بلندیوں پر پہنچ گئیں جب انھوں نے بہت چھوٹی سی عمر میں ماڈلنگ شروع کر دی تھی۔ بطور مس انڈیا انھوں نے 1992 کے مس یونیورس مقابلے میں ہندوستان کی نمائندگی کی، جہاں وہ دوسری رنر اپ قرار پائی تھیں۔

مدھو کہتی ہیں "اس مقابلے کے تمام عہدیداروں نے ہمیں بتایا تھا کہ ہمارے جوابات سچے ہونے چاہئیں،" وہ کہتی ہیںکہ انھوں نے مزید بتایا، "اوروہ دل کی آواز ہونے چاہیئں۔ ہمیں کسی نے یہ نہیں کہاکہ ہمیں سیاسی طور پر درست ہونا چاہیے۔ میں نے وہی کہا جو میرے دل نے مجھے کہا اور میں ہار گئی۔ میرے مطابق ہندوستان کئی سالوں سے غربت میں ہے، اس لیے میرے وزیر اعظم بننے سے ایک سال میں یہ اچانک تبدیل نہیں ہونے والا تھا۔ لیکن فن اور کھیل جیسے اور بھی شعبے ہیں جن میں ہم بہتری لا سکتے ہیں۔ اور ایک اسپورٹس گرل ہونے کے ناطے مجھے نقصان اٹھانا پڑا کیونکہ ہمارے پاس ہندوستان میں سامان اور گراؤنڈز نہیں ہیں۔ مختصر وقت میں اتنا کچھ کہنا تھامیں یہ سب کہنا چاہتا تھی لیکن شاید انگریزی میں اپنی ناواقفیت کی وجہ سے میں اپنا اظہار نہیں کر سکی۔" وہ 2003 کی فلم بوم میں بھی کام کر چکی ہیں۔

ملند سومن ، اپنے دور کے ایک مرد سپر ماڈل، نے ٹف شوز کے پرنٹ اشتہار میں اس کے ساتھ عریاں پوز دیا۔ ممبئی پولیس کی سوشل سروس برانچ نے اگست 1995 میں مدھو اور سومن کے صرف جوتے پہنے اور ان کے گرد ایک ازگر لپیٹے ہوئے عریاں حالت میں پوز کرنے کے بعد مقدمہ درج کیا تھا۔ اژدھے کے غیر قانونی استعمال پر اشتہاری ایجنسی کے خلاف وائلڈ لائف پروٹیکشن ایکٹ کے تحت ایک اور مقدمہ درج کر لیا گیا۔ ملزمان میں متنازع اشتہار دینے والے دو میگزین کے پبلشرز اور ڈسٹری بیوٹرز، ایڈورٹائزنگ ایجنسی، دو ماڈلز اور فوٹوگرافرز شامل تھے۔ یہ مقدمہ 14 سال تک چلا جس کے بعد عدالتوں نے ملزمان کو بری کر دیا۔

ذاتی زندگی

مدھو اپنے شوہر، اطالوی تاجر جیان ماریا ایمنڈاٹوری کے ساتھ اٹلی کے مشرقی ساحل پر واقع ایک چھوٹے سے شہر ریکیون میں رہتی ہے اور ہندوستان اور اٹلی کے درمیان آتی جاتی رہتی ہے۔. ان کی ایک بیٹی ہے جس کا نام اندرا ہے۔ ایمنڈاٹوری سے اس کی ملاقات باہمی دوستوں کے ذریعے ہوئی جب وہ چھٹیوں پر ہندوستان میں تھے۔ ان کی شادی 2001 میں ہوئی، جس کے بعد وہ ریکیون میں چلی گئیں۔

فلموگرافی

سال	عنوان	کردار	زبان	نوٹس
2003	بوم	انو گایکواڈ	ہندی

بیرونی روابط

• انٹرنیٹ مووی ڈیٹابیس (IMDb) پر Madhu Sapre
• ماڈل کی شادیاں، درحقیقت دی ٹریبیون - 28 اپریل 2002
• اچھا آدمی برا ہو جاتا ہے The Tribune – 22 ستمبر 2003

ماقبل  Christabelle Howie

فیمینا مس انڈیا 1992

مابعد  نمرتا شروڈکر