معاونت:ویکی پیمائی کا تعارف/1
|
تعارف
نام فضا
تلاش
رجوع مکرر اور اختصارات
مفید روابط
خلاصہ
|
 آزاد دائرۃ المعارف اردو ویکیپیڈیا ایک انتہائی وسیع و عریض دنیا کی مانند ہے جس میں نہ صرف 215,763 مضامین؛ بلکہ مختلف اقسام کے 901,459 صفحات بھی موجود ہیں جو ویکیپیڈیا کی تعمیر و تشکیل میں اہم کردار ادا کرتے ہیں۔ علاوہ ازیں ویکیپیڈیا تقریباً تین سو زبانوں میں دستیاب ہے۔ اگر ان تمام زبانوں کے جملہ مضامین کو شمار کیا جائے تو یہ تعداد دسیوں لاکھ بلکہ کروڑ سے متجاوز ہوگی جو نسل انسانی کے ماضی و حال کے بیشتر شعبہ ہائے حیات کا احاطہ کرتے ہیں۔ علم و معلومات کا ایسا بے نظیر بین اللسانی انفجار ویکیپیڈیا کو انسانی تاریخ کا سب سے بڑا اور ضخیم دائرۃ المعارف بناتا ہے۔
ایسی وسیع و عریض دنیا میں کوئی شخص اچانک کہیں سے نکل آئے تو یقیناً اسے اجنبیت اور بے گانگی کا احساس ہوگا اور راہیں معلوم نہ ہوں تو کھو جانے یا اکتا کر واپس چلے جانے کا دھڑکا لگا رہتا ہے۔ لہذا پیش نظر تعارف نامہ میں اس کوشش کی گئی ہے کہ آپ کو اس ہمہ گیر دنیا کے اطراف و اکناف سے مختصراً روشناس کرایا جائے تاکہ آگے آپ کے لیے ویکی پیمائی سہل ہو۔ لیجیے ویکیپیڈیا میں اپنے مطلوبہ مواد کی تلاش اور ان سے استفادہ کی راہ کا مختصر تعارف اور چند انتہائی اہم صفحات کا جائزہ پیش خدمت ہے۔
|