اردو ویکیپیڈیا یا ویکیپیڈیا کی دنیا میں قدم رکھنے کے بعد عموماً جدید صارفین کو متعدد بنیادی مشکلات و مسائل درپیش ہوتے ہیں، لہذا صارفین کی ان مشکلات کو مدنظر رکھتے ہوئے معاونتی صفحات اور ویڈیو تیار کیے گئے ہیں تاکہ یہ مشکلیں بآسانی حل ہو جائیں۔ ایسے معاونتی صفحات اور دیگر مواد اردو ویکیپیڈیا میں بکھرے ہوئے ہیں، چناں چہ ان تک پہونچنا ایک ایسے صارف کے لیے جو نووارد ہے اور بنیادی معلومات سے بھی ناآشنا ہے، یقیناً تکلیف کا باعث ہے۔ اسی کے پیش نظر اس صفحہ میں بنیادی اور اشد ضروری معاون مواد (صفحات اور ویڈیو وغیرہ) کے روابط یکجا کر دیے گئے ہیں تاکہ ایک ہی مقام پر تازہ واردان بساط ویکیپیڈیا کو ضروری مواد مل سکے۔
