پروفیسر محمد لطیف

پروفیسر محمد لطیف منفرد انداز کے معروف شاعراردو ادبیات کے استاد اورماہرتعلیم ہیں۔

پروفیسر محمد لطیف
ادیب
پیدائشی نام	محمد لطیف
قلمی نام	لطیف
ولادت	15 اپریل1943ءچک 17/ جی ۔ ڈی اوکاڑہ
ابتدا	تحصیل فورٹ عباس کے چک آر137/7، ضلع بہاولنگر
اصناف ادب	شاعری
ذیلی اصناف	غزل،
تعداد تصانیف	دو
تصنیف اول	حریم حرف
معروف تصانیف	حریم حرف
ویب سائٹ	[03466992620 / آفیشل ویب گاہ]

ولادت

پروفیسر محمد لطیف 15 اپریل 1943ء میں میں پیدا ہوئے ،آبائی تعلق ضلع بہاولنگر کی تحصیل فورٹ عباس کے چک آر137/7 سے ہے، والد محترم صدر الدین چونکہ سرکاری ملازم تھے اور ان کا تبادلہ مختلف علاقوں میں ہوتا رہتا تھا۔ اسی وجہ سے ان کی پیدائش اس وقت کی تحصیل اوکاڑہ کے ایک گاؤں چک 17/ جی ۔ ڈی میں ہوئی

تعلیمی مراحل

چک 17/ جی ۔ ڈی سے پرائمری تک کی تعلیم حاصل کی، جبکہ میٹرک چک 32/6R فورٹ عباس سے کیا۔ ایف اے میو نسپل کالج اوکاڑہ اور بی اے گورنمنٹ کالج ساہیوال سے اس طرح ایم اے پنجاب یونیورسٹی لاہور سے اورسینٹرل ٹریننگ کالج لاہور سے بی ایڈ کیا

عملی زندگی

• 1970 میں بحثیت لیکچرار خواجہ فرید گورنمنٹ کالج رحیم یارخان میں ملازمت کاآغاز کیا
• 1979ء میں رضویہ اسلامیہ کالج ہارون آباد میں رہے۔
• بطور پرنسپل گورنمنٹ انٹر کالج فورٹ عباس میں ذمے داریاں نبھائیں
• 1985 میں بطور اسسٹنٹ پروفیسر گورنمنٹ اسلامیہ کالج وہاڑی میں خدمات سر انجام دیں
• بطور پرنسپل گورنمنٹ انٹر کالج منچن آباد رہے
• بطور ڈپٹی ڈائریکٹر کالجز بہاولپور سنہ 1989 میں
• بطور اسسٹنٹ پروفیسر ایس ای کالج بہاولپور تعیناتی ہوئی،
• 1992ء میں بطور پرنسپل گورنمنٹ کالج لیاقت پور تعینات ہوئے
• 1992ء میں ہی ایسوسی ایٹ پروفیسر ایس ای کالج بہاولپور مقرر ہوئے 2003 ء تک یہیں سروس مکمل کی

شاعری

پروفیسر محمد لطیف کا پہلا شاعری مجموعہ حریم حرف 2013ء میں شائع ہوا زیادہ تر شاعری اردو جبکہ کچھ شاعری پنجابی میں کی غزل سے زیادہ شغف ہے پروفیسر عبد الحق تاثیر المعروف تاثیر وجدان سے اصلاح لیتے رہے
بقول خورشید ناظر پروفیسر لطیف کے ہر شعر اور نظم کی ہر لائن سے فنی شعر گوئی میں ان کی مہارت اور اپنے قاری کو متاثر کر نے کا سلیقہ جھلکتا ہے 

مجموعہ کلام

حریم حرف کے نام سے مجموعہ کلام اردو مجلس بہاولپور سے طبع ہو چکا ہے

نمونہ کلام

اتنے دنوں کے بعد آئے ہو یارو کچھ تو اور رکو		کار جہاں چلتا رہتا ہے صحبت یاراں عام نہیں
ان کی صبح وصال سے بڑھ کرروشن کوئی صبح کہاں		جس شام ان کا جانا ٹھہرے اس سے اندھیری شام نہیں
درد کی دولت دین ہے اس کی بخت وروں کو ملتی ہے		ہر کس و ناکس کی قسمت میں یہ لطف و انعام نہیں