گنگا جمنی تہذیب

گنگا جمنی تہذیب (ہندی: गंगा जमुनी तहज़ीब) ایک اصطلاح ہے جو شمالی ہندوستان اور بالخصوص گنگا اور جمنا ندیوں کے دو آبہ علاقے کی تہذیب و ثقافت کے لیے استعمال کی جاتی ہے۔ اس تہذیب کی اہم ترین علامت فرقہ وارانہ ہم آہنگی اور ہندو مسلم عناصر کی یکجہتی ہے۔

صوبہ اتر پردیش میں واقع خطہ اودھ عموماً اس تہذیب کا مرکز سمجھا جاتا ہے۔ الہ آباد، لکھنؤ، کانپور، فیض آباد، ایودھیا اور وارانسی (بنارس) بھی اس تہذیب کے مراکز شمار کیے جاتے ہیں۔

نیز جنوبی ہند کا صوبہ تلنگانہ کا دار الحکومت حیدرآباد بھی اس تہذیب اور فرقہ وارانہ ہم آہنگی کا زبردست نمونہ ہے۔

اودھ کے نواب اس تہذیب کے معمار اور بڑے نقیب تھے۔