ہنگامہ ہے کیوں برپا

"ہنگامہ ہے کیوں برپا" ایک مشہور غزل ہے، خاص طور پر یہ غلام علی کے گائے جانے سے مشہور ہوئی۔ یہ غزل اکبر الہ آبادی کی لکھی ہوئی ہے۔

"ہنگامہ ہے کیوں برپا"
غلام علی  کا سنگل
البم آپ کا خادم (مہدی حسن) غزل کا سفر/آوارگی میں
رلیز	1990
ساخت	ایم پی3
ریکارڈ	1990
صنف	غزل
دورانیہ	00:08:26
مصنفین	اکبر الہ آبادی
پیش کار موسیقی	وزیر علی

غزل کے بول

ہنگامہ ہے کیوں برپا تھوڑی سی جو پی لی ہے
ڈاکہ، تو نہیں ڈالا، چوری، تو نہیں کی ہے​

نا تجربہ کاری سے واعظ کی یہ باتیں ہیں
اس رنگ کو کیا جانے، پوچھو تو کبھی پی ہے؟​

اس مئے سے نہیں مطلب، دل جس سے ہے بیگانہ
مقصود ہے اس مئے سے دل ہی میں جو کھنچتی ہے​

اے شوق وہی مئے پی، اے ہوش ذرا سو جا
مہمانِ نظر اس دم، اک برقِ تجلّی ہے

واں دل میں کہ صدمے دو، یاں جی میں کہ سب سہہ لو
ان کا بھی عجب دل ہے، میرا بھی عجب جی ہے

ہر ذرہ چمکتا ہے انوارِ الٰہی سے
ہر سانس یہ کہتی ہے ہم ہیں تو خدا بھی ہے​

سورج میں لگے دھبہ فطرت کے کرشمے ہیں
بت ہم کو کہیں کافر، اللہ کی مرضی ہے​