آدم جی حاجی داؤد

سر آدم جی حاجی داؤد (انگریزی: Adamjee Haji Dawood) (پیدائش: 30 جون، 1880ء - وفات: 26 جنوری، 1948ء) ہندوستان کے مشہور و معروف تاجر، صنعت کار، مخیر شخصیت اور تحریک پاکستان کے اکابرین میں شامل تھے۔ وہ پٹ سن کی صنعت کے بادشاہ کہلاتے تھے۔ مسلم کمرشل بینک اور آدم جی انشورنس کمپنی کے بانی تھے۔

آدم جی حاجی داؤد
معلومات شخصیت
پیدائش	30 جون 1880ء   جیتپور ،  گجرات ،  برطانوی ہند
وفات	27 جنوری 1948ء (68 سال)  کراچی ،  پاکستان
شہریت	برطانوی ہند پاکستان
اولاد	عبد الواحد آدم جی
عملی زندگی
پیشہ	صنعت کار ،  انسان دوست ،  سیاست دان
مادری زبان	اردو
پیشہ ورانہ زبان	اردو
اعزازات
نائٹ بیچلر

حالات زندگی

سر آدم جی حاجی داؤد 30 جون، 1880ء کو جیت پور، گجرات (موجودہ بھارت) میں پیدا ہوئے تھے۔ خاندانی ماحول کی وجہ سے ابتدا ہی سے تجارت کی طرف راغب ہوئے اور غیر منقسم ہندوستان کے بڑے تاجروں میں شمار ہوئے۔ انھوں نے قائد اعظم محمد علی جناح کی ہدایت پر روزنامہ ڈان کی نئی دہلی سے اشاعت میں ہاتھ بٹایا اور کل ہند مسلم ایوانِ تجارت کی تنظیم قائم کی۔ وہ پٹ سن کی صنعت کے بے تاج بادشاہ کہلاتے تھے اور آدم جی انشورنس اور مسلم کمرشل بینک کے بانی تھے۔ تقسیم ہند کے بعد انھوں نے اس نوزائیدہ مملکت پاکستان کی اقتصادی بنیادیں استوار کرنے میں اہم کردار ادا کیا۔

وفات

سر آدم جی حاجی داؤد 26 جنوری، 1948ء کو کراچی، پاکستان میں انتقال کر گئے۔