آسام میں مسیحیت

آسام میں مسیحیت تیسرا برا مذہب ہے۔ آسام بھارت کی ایک ریاتس ہے جو شمال مشرقی بھارت میں واقع ہے۔ بھارت میں مردم شماری، 2011ء کے مطانق آسام میں مسیحیوں کی کل تعداد 1,165,867 ہے جو کل آبادی کا 3.74% ہے۔ آسام میں مسیحیت اسلام کے بعد دوسرا برا تیزی سے پھیلنے والا مذہب ہے۔ آسام میں مسیحیت کا سب سے بڑا مرکز دیما ہساؤ ضلع ہے جہاں کل آبادی کا تقریباً 30 فیصد حصہ مسیحیوں پر مشتمل ہے۔ اس کے بعد کاربی آنگلونگ ضلع ہے جہاں 16.5% مسیحی ہیں۔ یہ اعداد و شمار 2011ء مردم شماری کے ہیں۔

تیزپور

آسام میں مسیحی مشنری اور تبلیغ کی ابتدا 1626ء میں ہوئی جب دو مشنریوں کاربال اور سیسیلا کو وہاں بھیجا گیا۔ یہ دونوں 26 ستمبر 1626ء کو آسام پہنچے۔ وہ آسام ہوتے ہوئے ہوگلی-چنچرا جا رہے تھے۔ 1836ء میں باقاعدہ مسیحی مشنری نے وہاں کام کرنا شروع کیا اور ناتھن براون اور اولیور کو وہاں بھیجا گیا۔ یہ دونوں اس سے قبل برما میں اپنی تبلیغی خدمات دے چکے تھے۔ وہ اپنے ساتھ چھاپہ خانہ لے گئے تھے اور پہلی متربہ سادیہ میں اترے۔ سادیہ آسام کے مشرق بعد میں ہے۔ وہاں انھوں نے آسامی اور خامتی زبانوں میں اسکول کا قیام کیا اور کتابیں شائع کیں۔ انھوں نے عہد نامہ جدید کا ترجمہ بھی آسامی زبان میں کیا۔ لیکن 1839ء میں خامتی جنگجووں نے واویلا مچا دیا اور وہ دونوں جے پور روانہ ہو گئے۔ جے پور میں بھی وہ آسامی زبان میں کتابیں شائع کرتے تھے۔ عہد نامہ جدید کا پہلا آسامی زبان کا ترجمہ 1848ء میں ‘امار ترانکورت جیسو کرشتور نیوم‘ کے نام سے شائع ہوا۔ اس نے آسامی زبان میں کچھ دعائیں بھی شائع کیں۔

آسام میں کھاسی اور گارو دو اہم مسیحی قبیلے ہیں۔ آسام میں بنگالیوں کی تعداد بہت زیادہ ہے اور ان میں بھی کچھ مسیحی پائے جاتے ہیں۔

ضلعوں میں آبادی

آسام میں مسیحیوں کی آبادی (2011ء)

#	ضلع	کل آبادی	مسیحی آبادی	%
1	کاربی آنگلونگ ضلع	956313	157789	16.50%
2	شونت پور ضلع	1924110	138166	7.18%
3	ادلگری ضلع	831668	110215	13.25%
4	کوکراجھر ضلع	887142	101091	11.40%
5	گوالپارا ضلع	1008183	77862	7.72%
6	تنسوکیا ضلع	1327929	76877	5.79%
7	دیما ہساؤ ضلع	214102	63310	29.57%
8	ڈبروگڑھ ضلع	1326335	52968	3.99%
9	گولا گھاٹ ضلع	1066888	50582	4.74%
10	چیرانگ ضلع	482162	49747	10.32%
11	لکھیم پور ضلع	1042137	46217	4.43%
12	کاچار ضلع	1736617	37635	2.17%
13	کامروپ ضلع	1517542	33297	2.19%
14	شیو ساگر ضلع	1151050	33147	2.88%
15	باکسا ضلع	950075	27076	2.85%
16	ناگاؤں ضلع	2823768	26844	0.95%
17	جورہٹ ضلع	1092256	21051	1.93%
18	کامروپ میٹروپولیٹن ضلع	1253938	18810	1.50%
19	کریم گنج ضلع	1228686	11990	0.98%
20	دھیماجی ضلع	686133	8711	1.27%
21	ہائلاکاندی ضلع	659296	8480	1.29%
22	بونگائی گاؤں ضلع	738804	5924	0.80%
23	دھوبری ضلع	1949258	4107	0.21%
24	درنگ ضلع	928500	1688	0.18%
25	برپیٹا ضلع	1693622	1020	0.06%
26	ماری گاؤں ضلع	957423	834	0.09%
27	نلباری ضلع	771639	429	0.06%
	Assam (Total)	31205576	1165867	3.74%