ابو العلاء المعری

ابوالعلا احمد المعری عرب شاعر اور فلسفی تھے۔

ابو العلاء المعری
(عربی میں: أبو العلاء المعرّي)
معلومات شخصیت
پیدائشی نام	(عربی میں: أحمد بن عبد الله بن سُليمان القضاعي التنُّوخي المعرِّي)
پیدائش	سنہ 973ء   معرۃ النعمان
وفات	سنہ 1057ء (83–84 سال)  معرۃ النعمان
عارضہ	اندھا پن
عملی زندگی
تلمیذ خاص	خطیب تبریزی
پیشہ	شاعر ،  مصنف ،  فلسفی
پیشہ ورانہ زبان	عربی
شعبۂ عمل	عربی ادب ،  عربی شاعری ،  فلسفہ ،  اسلام ،  شاعری

پورا نام

ابوالعلاء معری کا پورا نام احمد بن عبد الله بن سليمان، التنوخی المعری تھا

ولادت

ابو العلاء معری کی پیدائش 363ھ بمطابق973ء معرۃ النعمان میں ہوئی۔ 4 سال کی عمر میں چیچک نکل آئی اور اسی سے بینائی جاتی رہی۔

حالات زندگی

ابو العلاء معری کاحافظہ باکمال تھا۔ حلب، طرابلس، انطاکیہ میں تعلیم پائی۔ تعلیم سے فراغت کے بعد 398ھ میں بغداد گئے۔ مگر یہاں کی فضا پسند نہ آئی۔ اس لیے اپنے وطن معرہ واپس آگئے۔ اور باقی زندگی دنیا سے الگ تھلگ یہیں گزار دی۔ روشن دماغ اور ترقی پسند شاعر تھے۔ لب و لہجہ کا تند اور مردم بیزار تھا۔ عربی زبان میں محاکاتی شاعری کا بانی تصور کیا جاتا ہے۔ سینکڑوں کتب کا مصنف اور مولف ہے۔ اس کی علمی خدمات کا بیشتر حصہ صلیبی جنگوں کی نذر ہو گیا۔ بعض لوگ کہتے ہیں کہ آواگون کا قائل تھا۔ بعض کا خیال ہے کہ لاادری (ایگناسٹک) تھا۔ اس کے مشہور شعر کا ترجمہ ہے :

"لوگ امام برحق کا انتظار کر رہے ہیں جو ان کے لشکر کی قیادت کرے گا۔ یہ ان کی خام خیالی ہے۔ عقل کے سوا کوئی امام نہیں جو ہر لمحہ انسان کو صحیح مشورہ دے اور اس کو راہ دکھائے۔ "

اپنی غذا میں دال اور سبزیوں پر گزارا کرتے تھا۔ گوشت اور انڈا سے مکمل پرہیز تھا۔علامہ اقبال نے بھی اپنی شاعری میں ان کا ذکر ان الفاظ میں کیا ہے :

کہتے ہیں کبھی گوشت نہ کھاتا تھا معری
پھل پھول پہ کرتا تھا ہمیشہ گذر اوقات

تصنیفات

المعری کا ایک خیالی عکس (مصور: جبران خلیل جبران)

علامہ اقبال نے نظم میں معری کی دو تصانیف

• ’’رسالہ غفران‘‘ اور
• ’’لزومات‘‘ کا ذکر کیا ہے۔
• الأيك والغصون۔ ادب میں 100 سے زیادہ جزء
• تاج الحرۃ۔ عورتوں کے اخلاق او عادات پر، 400کتابچے
• عبث الويد- ديوان البحتری کی شرح
• رسالہ الملائكۃ
• الفصول والغايات
• رسالہ الصاهل والشاحج

وفات

ابو العلاء معری کا انتقال 449ھ 1057ء میں ہوا۔ وفات کے وقت اس کے 84 شاگرد شعرا موجود تھے۔