انسانی دنیا پر مسلمانوں کے عروج وزوال کا اثر (کتاب)

انسانی دنیا پر مسلمانوں کے عروج وزوال کا اثر، یہ ابو الحسن علی حسنی ندوی کی کتاب ہے جو انھوں نے اصلاً ماذا خسر العالم بانحطاط المسلمین کے نام سے عربی زبان میں تحریر کیا تھا۔ سب سے پہلے یہ کتاب بھارت میں لکھنؤ سے چھاپی گئی۔ اس کے بعد دوسری مرتبہ مصر میں اس کی اشاعت ہوئی۔ جب عرب میں اس کتاب کا چرچا ہوا تو اس کو بے انتہا پزیرائی ملی اور بیسیوں قانونی و غیر قانونی ایڈیشن نکل گئے۔ اس کتاب میں ابواب و فصول کی ترتیب رکھی گئی ہے اور انتہائی دردمندانہ انداز سے مسلمانوں کے زوال کی کہانی اور دنیا کو اس سے پہنچنے والے نقصانات کا ذکر کیا گیا ہے۔

انسانی دنیا پر مسلمانوں کے عروج وزوال کا اثر

مصنف	ابو الحسن علی ندوی
اصل عنوان	ماذا خسر العالم بانحطاط المسلمين
Working title	انسانی دنیا پر مسلمانوں کے عروج وزوال کا اثر
ملک	مصر
زبان	عربی
موضوع	تاریخ اسلام
تاریخ اشاعت	1951
تاریخ اشاعت انگریری	1983
طرز طباعت	مجلد
صفحات	219
او سی ایل سی	64739803
ڈیوی اعشاری	297.09
ایل سی درجہ بندی	BP53.N313 1994
ویب سائٹ	[1]

کتاب کا موضوع

اس کتاب میں یہ بتانے کی کوشش کی گئی ہے کہ کس طرح امت محمدیہ میں زوال و انحطاط کا آغاز ہوا، اس کو دنیا کی قیادت و امامت سے ہاتھ دھونا پڑا اور کس طرح یہ قیادت مادہ پرست یورپ کی طرف منتقل ہوئی۔ اس وقت مسلمانوں کی کیا ذمہ داری ہے اور وہ اس سے کس طرح عہدہ برآ ہو سکتے ہیں۔ ان تمام سوالات کے تشفی بخش جوابات اس کتاب کا موضوع ہیں۔

کتاب کے ایڈیشن

کتاب کی مقبولیت کا اس سے اندازہ کیا جا سکتا ہے کہ اس کے عربی، اردو، انگریزی، ترکی، فارسی اور فرآبدیدہ زبانوں میں تراجم ہوئے اور ان کے متعدد ایڈیشن شائع ہو چکے ہیں، محض اردو میں اس کتاب کے گیارہ ایڈیشن نکل چکے ہیں۔

مزید دیکھیے

• ابو الحسن علی حسنی ندوی
• اسلامی تہذیب

بیرونی روابط

• سید ابو الحسن علی حسنی ندوی کی اردو کتابوں کی فہرست