انسان و حیوان کی شادی

انسان و حیوان کی شادی یا انسان اور جانور کی شادی ایک ایسی شادی کو کہتے ہیں جو ایک جانور اور ایک انسان کے بیچ ہو۔ یہ موضوع دیومالا اور جادوئی فکشن میں آیا ہے۔ 21ویں صدی میں ایسی کئی رپورٹیں آئی ہیں کہ انسانوں نے پالتو اور دوسرے جانوروں سے شادی کی ہے۔ انسانوں اور جانوروں کی شادی کو کئی بار جانوروں سے جنسی میلان سے جوڑ کر دیکھی گئی ہے، تاہم یہ ضروری نہیں کہ انسان و حیوان میں ہر شادی کے پس پردہ کوئی جنسی تعلق پوشیدہ رہا ہو۔ حالانکہ انسان و حیوان کی شادی کا تذکرہ خاص طور پر کسی قومی قانون میں تذکرہ نہیں کیا گیا ہے، جانوروں کے ساتھ جنسی تعلقات کئی ممالک میں غیر قانونی ہیں اور ایسے معاملوں کو جانوروں کے ساتھ بدسلوکی کے قوانین کے تحت نپٹا جاتا ہے۔

دیومالاؤں میں انسان اور جانور کی شادی

انسان اور جانور کی شادی کئی دیومالائی حکایات اور لوک کہانیوں کا حصہ بنی ہے۔ اسے کئی بار انسان اور مافوق البشر شادی سمجھا گیا ہے، جس میں کئی دیوتا یا بہادر شامل تھے۔ چینی لوک کہانی 'ریشم کے کیڑے کی دیوی' ایک ایسی ہی کہانی کی مثال سمجھی جاتی ہے جس میں ایک عورت ایک گھوڑے سے شادی کرتی ہے۔ اسی طرح سے ایک آئرش داستان ہے جس میں ایک بادشاہ ایک گھوڑے (غالبًا گھڑیا) سے شادی کرتا ہے جو بادشاہ اور اس جگہ کی دیوی کے اتحاد کی علامت سمجھی جاتی ہے۔ اصلًا چیینن لوگ بھی انسان و حیوان کی شادی کی ایک کہانی پیش کرتے ہیں جس میں 'لڑکی کتے سے شادی کرتی ہے '۔ اس کے علاوہ امریکی قبائلی لوگوں کے پاس بھی کئی کہانیاں موجود ہیں کہ لوگ جانوروں سے شادی کر چکے ہیں۔ اصلًا امریکی قبائل میں جانوروں کی ارواح کئی بار انسانی شکل اختیار کرتے ہیں۔ انھیں لفظی جانور نہیں سمجھا جاتا تھا، بلکہ جانوروں کی بادشاہت کا نمائندہ سمجھا جاتا ہے۔

انسان و حیوان کی شادی حقیقی دنیا میں

حالانکہ یہ طے نہیں ہے کہ کیا جانوروں سے شادی کرنے کے لیے کوئی قانونی جواز ہے بھی کہ نہیں، کئی افراد افراد ایسا کرنے کا دعوٰی کر چکے ہیں۔ سوڈان میں بکری کی شادی کا واقعہ 2006ء میں سرخیوں میں چھایا رہا جس میں ایک کو مجبور کیا گیا کہ وہ ایک بکری سے شادی کرے۔ یہ اس آدمی کو اس لیے کرنا پڑا کیونکہ وہ اس بکری کے ساتھ جنسی عمل کرتے ہوئے پکڑا گیا تھا۔ اس کے علاوہ بھی جو شادیوں کی رپورٹ ذرائع ابلاغ سے پتہ چلی ہیں، وہ کتے، بلی، مینڈک اور ڈالفن ہیں۔ 2010ء میں اٹھارہ سالہ بالی کا لڑکا نگوراہ آلیت کو ایک گائے کے ساتھ جنسی عمل انجام دیتے ہوئے پکڑا گیا، جس کے بارے اس کا دعوٰی تھا کہ وہ اسے رجھا رہی تھی۔ وہاں کی تہذیب کے مطابق اس آدمی کو گائے سے شادی کرنے پر مجبور کیا گیا تھا۔ اس تقریب کے بارے میں باور کیا جاتا ہے کہ وہ گاؤں کو جانوروں سے جنسی عمل کے گناہ سے پاک کر چکی ہے۔ گائے کو بعد میں سمندر میں ڈبودیا گیا تھا جبکہ آلیت کو محض علامتی طور پر سمندر میں ڈبو دیا گیا تھا۔

مزید دیکھیے

• انسانی ارتباط
• انسان و حیوان کا مرکب
• انواعیت
• مطالعہ انسان و حیوان تعلقات
• جانوروں سے جنسی میلان