انفحہ

انفحہ یا پنیر مایہیا چستہ چاک دیگرنام: عربی اور فارسی میں انفحہ ،ہندی میں چستہ کہتے ہیں۔

تعریف

دودھ پینے والے جانوروں کے معدہ اور آنتوں سے حاصل شدہ منجمد دودھ، جس کو پیدا ہونے کے بعد کسی جانور کے بچے نے پہلی دفعہ پیا ہو، اُس کو حاصل کر لیا جاتا ہے۔یہی پنیر مایہ ہے۔ اِس کو پنیر مایہ اور انفحہ بھی کہتے ہیں۔ جن جانوروں کے دودھ سے پنیر مایہ حاصل کیا جاتا ہے ، اُن میں سے چند یہ ہیں : بارہ سنگھا، بکری، بھیڑ، بھینس، پاڑہ، خرگوش، ریچھ ، شتر خر مادہ، گورخر، گائے، گھوڑی، نیل گائے اور ہرن وغیرہ۔

طریقۂ تیاری

اِس کو حاصل کرنے کا طریقہ یہ ہے کہ جانور کے بچے کی پیدائش کے بعد اُس کی ماں کا پورا دودھ بچے کو پلا دیا جائے۔ دودھ دینے والے جانوروں کے اِس ابتدائی دودھ کو کھیس یا پیوسی بھی کہتے ہیں۔ بچوں کو یہی دودھ پلا کر پھر کم و بیش نصف یا ایک گھنٹہ بعد اُس نو مولود بچے کو ذبح کر کے اُس کی آنتیں اور اُس کا معدہ حاصل کر لیا جاتا ہے۔ یہ آنتیں سایہ میں خشک کر لی جاتی ہیں۔ اِن آنتوں اور معدے کی چنٹوں (Folds ) میں ایک منجمد شے ملے گی، جو دراصل وہی منجمد دودھ ہے جو سوکھ گیا ہے۔ یہی پنیر مایہ ہے۔ مزاج کے لحاظ سے انفحہ و پنیر مایہ کو مرکب انقویٰ سمجھا جاتا ہے۔

مزید دیکھیے

• طب یونانی
• قانون طب
• فرہنگ اصطلاحات طب یونانی

بیرونی روابط

• دیکھیے دستور المرکبات حصہ اولآرکائیو شدہ بذریعہ lib.bazmeurdu.net
• دیکھیے دستور المرکبات حصہ دومآرکائیو شدہ بذریعہ lib.bazmeurdu.net
• دیکھیے دستور المرکبات حصہ سومآرکائیو شدہ بذریعہ lib.bazmeurdu.net
• دیکھیے دستور المرکبات حصہ چہارمآرکائیو شدہ بذریعہ lib.bazmeurdu.net
• ڈاؤن لوڈ کتاب دستور المرکبات