ایف ایس خیر اللہ
معظم ڈاکٹر فرینک صفی اللہ خیر اللہ (انگریزی: Rev. Dr. F.S. Khairullah) المعروف ایف ایس خیر اللہ ایک پاکستانی ماہر تعلیم اور ایک مسیحی مصنف تھے۔ انھوں نے کلیسیائے پاکستان میں بطور پریسبیٹر خدمات سر انجام دیں۔[1]
| ایف ایس خیر اللہ | |
|---|---|
 |
|
| معلومات شخصیت | |
| پیدائش | سنہ 1914ء نوشہرہ |
| وفات | سنہ 1997ء (82–83 سال) کینیڈا |
| شہریت |  برطانوی ہند  پاکستان |
| نسل | افغان |
| مذہب | پروٹسٹنٹ مسیحیت |
| عملی زندگی | |
| مادر علمی | فورمن کرسچین کالج جامعہ ایڈنبرگ |
| تعلیمی اسناد | ایم اے ، پی ایچ ڈی |
| پیشہ | مصنف ، ماہر تعلیم ، عالم مذہب ، لیکچرر |
| پیشہ ورانہ زبان | اردو ، عبرانی |
| کارہائے نمایاں | قاموس الکتاب ، عبرانی قائدہ |
درستی - ترمیم  | |
ابتدائی زندگی اور تعلیم
ترمیموہ 1914ء میں موجودہ خیبر پختون خواہ کے شہر نوشہرہ[2] میں ایک افغان مسلم پس منظر رکھنے والے گھرانے میں پیدا ہوئے۔[3] آپ کے والد کا نام قاضی خیر اللہ تھا۔ آپ نے ابتدائی تعلیم بارینگ ہائی اسکول (بٹالہ، ہند) سے حاصل کی، آپ نے فورمن کرسچین کالج (لاہور) سے 1933ء میں ایم اے انگلش کیا۔ 1954ء میں آپ نے ایڈنبرگ یونیورسٹی سے پی۔ ایچ۔ ڈی[4] کی ڈگری حاصل کی۔[2][1]
کیریئر
ترمیمدوسری جنگ عظیم میں آپ نے ینگ مینز کرسچینز ایسوسی ایشن (YMCA) کے سیکرٹری کی حیثیت سے اس وقت کی انڈین آرمی کے لیے اپنی خدمات پیش کیں۔ 1942ء میں بطور لیکچرار مرے کالج (سیالکوٹ) میں تقرر ہوا اور جہاں بعد ازاں انگلش ڈپارٹمنٹ کے ہیڈ کے طور پر آپ اپنے فرائض سر انجام دیتے رہے۔ 1964ء میں آپ مرے کالج سیالکوٹ میں پرنسپل کے عہدے پر فائز ہوئے جہاں سے آپ 1972ء میں سبکدوش ہوئے، سبکدوشی کے بعد آپ نے ”مسیحی اشاعت خانہ“ میں بطور ”ڈائریکٹر آف کیریٹیو رائٹینگ پروجکٹ“ کی نشست سنبھالی۔ 1972ء میں آپ کے زیرِ نگرانی تالیف ہوئی اردو زبان میں بائبل کی مشہور لغت قاموس الکتاب منظر عام پر آئی، 1992ء میں آپ کا تالیف کردہ عبرانی قائدہ شائع ہوا۔[5] 1994ء آپ کینیڈا چلے گئے تاکہ اپنی بیٹی کے ساتھ رہ سکیں جہاں آپ نے کتابیں لکھنا جاری رکھا اور آپ 1997ء میں وفات پاگئے۔[2][1] کلیسیائے پاکستان کے لیے آپ کی لازوال خدمات کی فہرست نہایت طویل ہے، بالخصوص ”قاموس الکتاب“ کی صورت میں آپ نے اہل زبان کے لیے جو کام کیا وہ اپنی مثال آپ ہے۔[1]
حوالہ جات
ترمیم- ^ ا ب پ ت "Dr. Frank Safi-Ullah Khair Ullah: A Brilliant Christian Educationist And Writer"۔ www.christiansinpakistan.com (بزبان امریکی انگریزی)۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 01 جنوری 2018
- ^ ا ب پ Yumpu.com۔ "Rev. Dr. Frank Safi-Ullah Khair Ullah 1914 - St.Francis Magazine"۔ yumpu.com (بزبان انگریزی)۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 01 جنوری 2018
- ↑ "Ullah, Frank Safi-Ullah Khair - Oxford Reference"۔ doi:10.1093/acref/9780198073857.001.0001/acref-9780198073857-e-1010۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 جنوری 2018
- ↑ University of Edinburgh Journal (بزبان انگریزی)۔ 2005۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 18 فروری 2018
- ↑ "Khair Ullah, Dr. Frank Safi-Ullah (1914 - 1997)"۔ www.cuwap.org (بزبان انگریزی)۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 03 جنوری 2018