کلیسیائے پاکستان

کلیسیائے پاکستان کا آغاز سنہ 1970ء میں ہوا۔ یہ کلیسیا سابق انگلیکان، میتھوڈسٹ، اسکاٹش پریسبٹیرین اور لوتھری کلیسیاؤں اور تبلیغی مہمات پر مشتمل ہے اور دنیا کا واحد کلیسیا ہے جس میں لوتھریوں کے ساتھ انگلیکان، میتھوڈسٹ اور پریسبٹیرین یکجا ہیں۔ اس کا صدر دفتر سیالکوٹ میں واقع ہے۔

کلیسیائے پاکستان
زمرہ بندی	پروٹسٹنٹ
تشریق	انگلیکان، اصلاح شدہ
سیاسی نظام	اسقفی
ماڈریٹر	ہمفرے سرفراز پیٹر
ایسوسی ایشن	انگلیکان کمیونین، عالمی مجلس برائے کلیسیا، ورلڈ کمیونین آف ریفارمڈ چرچز، کرسچین کانفرس آف ایشیا، کوویننٹ کرسچین کوالیشن ، نیشنل کونسل آف چرچز
ابتدا	1970 (1970) پاکستان
انضمام	انگلیکان، میتھوڈسٹ، پریسبیٹیرین اور لوتھری مسیحی
علاحدگیاں	کلیسیائے بنگلہ دیش (1974ء)
اراکین	500,000
اراکین	600
ہسپتال	1
باضابطہ ویب سائٹ	چرچ کی ویب گاہ

رومن کاتھولک کلیسیا کے بعد کلیسیائے پاکستان سب سے بڑی مسیحی جمعیت ہے جو ستانوے فیصد مسلم آبادی پر مشتمل ملک پاکستان میں قائم ہے۔ اس خطہ زمین پر مسیحیوں کی تبلیغ کی ابتدا سولہویں صدی عیسوی میں مسلمانوں، ہندوؤں اور سکھوں کے درمیان میں ہوئی۔ سنہ 1947ء تک تبلیغی سرگرمیاں ہندو پنجابیوں پر مرکوز تھیں۔ اس کلیسیا کے بیشتر اراکین نچلے طبقے کے مزدور ہیں۔

کلیسیائے پاکستان کے متعدد ترقیاتی منصوبے بھی ہیں جن میں اساتذہ کی تربیت و فراہمی، سماجی اور طبی خدمات سر فہرست ہیں۔ اس کلیسیا کے قائم کردہ بیشتر کالج اور اسکول قومیائے جا چکے ہیں۔ البتہ دو مذہبی تربیت گاہیں، دو کالج اور ایک ہسپتال اب تک کلیسیا سے منسلک ہیں۔

ڈایوسیس اور بشپ صاحبان

شمار	کلیسیائی خطاب	بشپ	ڈایوسیس
1.	دی رائٹ ریورنڈ	ایلون سیموئیل	سیالکوٹ ڈایوسیس
2.	دی رائٹ ریورنڈ	عرفان جمیل	لاہور ڈایوسیس
3.	دی رائٹ ریورنڈ	آزادمارشل	رائیونڈ ڈایوسیس
4.	دی رائٹ ریورنڈ	صادق ڈینیل	کراچی (بلوچستان) ڈایوسیس
5.	دی رائٹ ریورنڈ	لیوراڈرک پال	ملتان ڈایوسیس
6.	دی رائٹ ریورنڈ	جان سموئیل	فیصل آباد ڈایوسیس
7.	دی رائٹ ریورنڈ	کلیم جان	حیدرآباد ڈایوسیس
8.	دی رائٹ ریورنڈ	ہمفرے سرفرازپیٹر	پشاور ڈایوسیس

مزید دیکھیے

• ایف ایس خیر اللہ