2016ء جامعہ باچا خان حملہ

20 جنوری بروز بدھ2016ء کو چارسدہ کے علاقے میں قائم جامعہ باچاخان پر صبح نو بجے کے قریب چار مسلح حملہ آوروں نے حملہ کیا جس میں ابتدائی طور پر 21 افراد ہلاک ہوئے، اور 20 سے زائد افراد زخمی ہوئے۔ مرنے والوں میں جامعہ کے شعبہ کیمیا کا ایک پروفیسر بھی شامل تھا۔ 200 سے زائد طلبہ کو یونیورسٹی کے احاطہ سے بچا کر نکال لیا گیا جبکہ 4 بندوق بردار مارے گئے۔ اس حملے کی ذمہ داری تحریک طالبان پاکستان کے ذیلی گروہ گیدڑ گروپ نے قبول کی جبکہ تحریک طالبان پاکستان نے اس کی مذمت کی۔

باچا خان یونیورسٹی حملہ، 2016ء
بسلسلہ شمال مغرب پاکستان میں جنگ
باچا خان یونیورسٹی
مقامی نام	چارسدہ یونیورسٹی حملہ
مقام	چارسدہ، خیبرپختونخوا، پاکستان
تاریخ	20 جنوری 2016ء 9:30 صبح (متناسق عالمی وقت+05:00)
نشانہ	باچا خان یونیورسٹی چارسدہ کے طلبہ و تعلیمی عملہ
حملے کی قسم	قتل عام، خودکش حملہ اور اسکولوں میں گولی باری
ہلاکتیں	21+
زخمی	درجنوں
متاثرین	طلبہ
مرتکبین	تحریک طالبان پاکستان کا ذیلی گروہ گیدڑ گروپ
شرکا کی تعداد	8 تا 10

رد عمل

مقامی

• اس واقعے کی تمام پاکستانی حکومتی سربراہان بشمول صدر وزیر اعظم اور سیاسی قائدین نے مذمت کی جماعت اسلامی کے سربراہ سراج الحق نے مذمت کے ساتھ کہا کہ قومی لائحہ عمل پر مکمل طور پر عمل کیا جائے اور غلطیوں کو واضح کیا جائے۔
• پاکستانی فوج کے سربراہ راحیل شریف واقعے کے بعد چارسدہ پہنچے اور اور اس آپریشن کا معائنہ کیا۔
• پیمرا نے ٹی وی چینلوں کو اس واقعے کے تناظر میں ہدایات جاری کی۔

بین الاقوامی

• بھارت کے وزیر اعظم نریندر مودی نے ٹویٹر پیغام میں اس واقعے کی مذمت کی۔
• پاکستان کے لیے نامزد امریکی سفیر نے بھی اس حوالے سے مذمتی بیان جاری کیا۔
• اطالوی سفیر نے بھی مذمت کی۔
• برطانوی ہائی کمشنر فلپ بارٹن نے بھی اس واقعے کی مذمت کی۔

بیرونی روابط

• چارسدہ میں یونیورسٹی پر حملہ،’20 افراد ہلاک‘