راحیل شریف

راحیل شریف
مناصب
سربراہ پاک فوج
	برسر عہدہ; 29 نومبر 2013 – 29 نومبر 2016
	اشفاق پرویز کیانی
قمر جاوید باجوہ
اسلامی فوجی اتحاد
	آغاز منصب; 6 جنوری 2017
معلومات شخصیت
پیدائش	16 جون 1956ء (68 سال) ; کوئٹہ
شہریت	پاکستان
بہن/بھائی	میجر شبیر شریف شہید
عملی زندگی
مادر علمی	گورنمنٹ کالج یونیورسٹی لاہور ; پاکستان ملٹری اکیڈمی
پیشہ	فوجی
عسکری خدمات
شاخ	پاک فوج
عہدہ	جرنیل
کمانڈر	اسلامی فوجی اتحاد ; سربراہ پاک فوج ; XXX کارپس ; الیون انفنٹری ڈویژن ; فرنٹيئر فورس رجمنٹ
لڑائیاں اور جنگیں	شمال مغرب پاکستان میں جنگ ، آپریشن ضرب عضب
اعزازات
	ہلال امتیاز ; نشان امتیاز ; نشان عبد العزیز السعود
	درستی - ترمیم

راحیل شریف افواج پاکستان کے 15ویں سربراہ تھے۔ 29 نومبر 2016ء پاک فوج کی کمان جنرل قمر جاوید باجوہ کو سونپ کر ریٹائرڈ ہوئے۔

خاندانی پس منظر

راحیل شریف 16 جون 1956ء کو کوئٹہ کے ایک ممتاز فوجی گھرانے میں پیدا ہوئے۔^[1]^[2] ان کے والد کا نام میجر محمد شریف بھٹی ہے۔ان کا تعلق گجرات کے نواحی گاؤں کنجاہ سے تھا ۔^[1] ان کے بڑے بھائی میجر شبیر شریف شہید 1971 کی پاک بھارت جنگ میں شہید ہوئے اور انھیں نشان حیدر ملا۔^[3] وہ تین بھائیوں اور دو بہنوں میں سب سے چھوٹے ہیں۔ ان کے دوسرے بھائی، ممتاز شریف بھٹی، فوج میں کیپٹن تھے۔^[2] وہ میجر راجہ عزیز بھٹی، (گجرات. گاؤں لادیاں جنھوں نے 1965 ء کی بھارت پاکستان جنگ میں شہید ہو کر نشان حیدر وصول کیا ،کے بھانجے ہیں۔^[4] راحیل شریف شادی شدہ ہیں اور ان کے دو بیٹے اور ایک بیٹی ہے۔^[1]

تعلیم اور فوجی سروس

راحیل شریف نے گورنمنٹ کالج، لاہور سے باقاعدہ تعلیم حاصل کی اور اس کے بعد پاکستان ملٹری اکیڈمی میں داخل ہوئے۔ اکیڈمی کے 54ویں لانگ کورس کے فارغ التحصیل ہیں۔ 1976 ء میں گریجویشن کے بعد، انھوں نے فرنٹیئر فورس رجمنٹ، کی 6th بٹالین میں کمیشن حاصل کیا۔ نوجوان افسر کی حیثیت سے انھوں نے انفنٹری بریگیڈ میں گلگت میں فرائض سر انجام دیے۔ ایک بریگیڈیئر کے طور پر، انھوں نے دو انفنٹری بریگیڈز کی کمانڈ کی جن میں کشمیر میں چھ فرنٹیئر فورس رجمنٹ اور سیالکوٹ بارڈر پر 26 فرنٹیئر فورس رجمنٹ شامل ہیں۔^[1]^[5]

9 دسمبر 2013، ریاست ہائے متحدہ امریکا کے سیکرٹری ڈیفنس چک ہیگل راحیل شریف سے اسلام آباد میں مصافحہ کرتے ہوئے

جنرل پرویز مشرف کے دور میں میجر جنرل راحیل شریف کو گیارہویں انفنٹری بریگیڈ کا کمانڈر مقرر کیا گیا۔ راحیل شریف ایک انفنٹری ڈویژن کے جنرل کمانڈنگ افسر اور پاکستان ملٹری اکیڈمی کے کمانڈنٹ رہنے کا اعزاز بھی رکھتے ہیں۔ راحیل شریف نے اکتوبر 2010 سے اکتوبر 2012 تک گوجرانوالہ کور کی قیادت کی۔ انھیں جنرل ہیڈ کوارٹرز میں انسپکٹر جنرل تربیت اور تشخیص رہنے کا اعزاز بھی حاصل ہے۔^[1]

چیف آف آرمی اسٹاف

27 نومبر 2013 کو وزیر اعظم نواز شریف نے انھیں پاکستانی فوج کا سپاہ سالار مقرر کیا۔^[3] ذرائع کے مطابق راحیل شریف سیاست میں عدم دلچسپی رکھتے ہیں۔ انھیں دو سینئر جرنیلوں، لیفٹیننٹ جنرل ہارون اسلم اور لیفٹیننٹ جنرل راشد محمود پر فوقیت دی گئی۔^[6] ایک سینئر جنرل لیفٹیننٹ جنرل ہارون اسلم نے اسی وجہ سے فوج سے استعفی دیا۔^[7] ایک اور سینئر جنرل، لیفٹیننٹ جنرل راشد محمود کو بعد ازاں چیئرمین جوائنٹ چیف آف سٹاف کمیٹی مقرر کر دیا گیا۔^[8]
20 دسمبر 2013 کو راحیل شریف کو نشان امتیاز(ملٹری) سے نوازا گیا۔^[9]

عوامی مقبولیت اور پزیرائی

راحیل شریف نے جس وقت پاکستانی آرمی کی کمانڈ سنبھالی تو ملک میں امن و امان کی صورت حال انتہائی ابتر تھی۔ انھوں نے دہشت گردوں کے خلاف سخت موقف اختیار کیا اور سانحہ پشاور کے بعد پاکستان آرمی نے تمام تر ملک دشمن قوتوں کے خلاف بلا تفریق کارروائیاں کی۔ اس سے امن و امان کی صورت حال میں بہتری ہونے لگی اور راحیل شریف ملک میں ایک مقبول آرمی چیف کی حثیت سے ابھرے۔

راحیل شریف ایک آرمی چیف کی حیثیت سے 29 نومبر 2016ء تک خدمات انجام دے کر پاک فوج کی کمان جنرل قمر جاوید باجوہ کے حوالے کر دی۔

اسلامی ملٹری کاؤنٹر ٹیررازم کولیشن

اپریل 2017ء میں راحیل شریف کو حکومت پاکستان کی طرف سے اسلامی ملٹری کاؤنٹر ٹیررازم کولیشن کے سربراہ کے طور پر کام کرنے کی منظوری ملی جس کا ہیڈ کوارٹر سعودی عرب میں ہے۔ ^[10]^[11]

اعزازات

اعزازات برائے خدمت
	اعزاز برائے 10 سال خدمت^[12]
	اعزاز برائے 20 سال خدمت^[12]
	اعزاز برائے 30 سال خدمت^[12]
	کمانڈ اینڈ اسٹاف کالج سنچری اعزاز^[12]
غیر آپریشنل اعزازات
	نشان امتیاز^[12]
	ہلال امتیاز^[12]
یادگاری اعزازات
	قرارداد پاکستان تمغا^[12]
	تمغا استقلال^[12]
	ہجری تمغا^[12]
	تمغا جمہوریت^[12]
	یوم آزادی جبیلی سنہرہ اعزاز^[12]
	تمغا بقا^[12]
خارجہ اعزازات
	آرڈر آف عبد العزیز آل سعود ^[13]
	اعزاز برائے فوج میں میرٹ (ریاستہائے متحدہ امریکا)