بے شرم رنگ

بے شرم رنگ (انگریزی: Besharam Rang) بھارت کی ایک ہندی زبان کا فلمی نغمہ ہے وشال شیکھر کی جوڑی (وشال ڈڈلانی اور روی روجانی نے 2022ء میں تیار کیا تھا۔ یہ نغمہ شاہ رخ خان اور دپیکا پڈوکون کی ایکشن فلم ’پٹھان‘ میں شامل ہے، جس پر بھارت کی اکثریت کے خود ساختہ نمائندہ دائیں محاذ کے قائدین اور تنظیموں نے فلم کی ٹیم اور خصوصی طور پر شاہ رخ خان کو تنقید کا نشانہ بھی بنایا تھا۔ اس کی وجہ ادا کارہ دیپیکا کا زعفرانی بکنی میں اس نغمے میں دکھائی دینا ہے اور اسے نیم عریاں رقص اور ہندو مذہب کی توہین سمجھ رہے تھے۔ انتہاپسندوں نے ’بے شرم رنگ‘ کو جواز بناکر شاہ رخ خان کے خلاف احتجاج کرتے ہوئے ان کی فلم کے خلاف بائیکاٹ کا ٹرینڈ سماجی میڈیا پر چلایا اور دھمکی دی کہ اگر فلم کو ریلیز کیا گیا تو ملک بھر میں مظاہرے شروع کیے جائیں گے۔ تاہم دھمکیوں کے باوجود فلم بے حد مقبول رہی۔

س کے ساتھ ایک ایسا بھی گروپ ہے جس نے بالی وڈ کو ’اردو وڈ‘ کا نام دے دیا اور لکھا کہ ’اردو وڈ کبھی نہیں سدھرنے والا۔‘

حمایت

جہاں دائیں محاذ اور مذہبی حلقوں نے شاہ رخ خان اور پٹھان فلم کی اس نغمے کی وجہ سے کافی تنقید کئی وہیں کئی لوگ فلم کی حمایت میں اٹھ کھڑے ہوئے۔ بالی ووڈ اداکارہ اروشی راؤٹیلا نے سپر ہٹ فلم پٹھان کے گانے ’بے شرم رنگ‘ پر ویڈیو بنایا ہے۔اروشی روتیلا نے انسٹاگرام پر ایک ویڈیو شیئر کیا۔ اس میں انہیں سمندری کشتی میں بیٹھ کر انسٹاگرام ریل سیلفی ویڈیو بناتے ہوئے دیکھا جا سکتا ہے۔ اس کے ساتھ ہی اروشی نے فلم پٹھان کے گانے ’بےشرم رنگ‘ پر ویڈیو بنایا ہے۔ ساتھ ہی انہوں نے لکھا کہ `شاہ رخ خان ہمارا آج کا مین آف دی ڈے ہے ۔ اروشی روتیلا نے بتایا کہ وہ مالدیپ میں ہیں اور چھٹیاں منا رہی ہیں۔ اروشی کے اس ویڈیو کو ان کے مداح کافی پسند کیے۔

مزید دیکھیے

• شاہ رخ خان