جان بیمس

جان بیمس (انگریزی: John Beames) برطانوی سول سرونٹ، بنگال کے کلیکٹر اور چیف کمشنر، ماہر لسانیات اور مستشرق تھے۔ انھوں نے ہندوستانی زبانوں پر فقید المثال کام کیا۔

جان بیمس
(انگریزی میں: John Beames)
معلومات شخصیت
پیدائش	21 جون 1837ء   گرینچ ،  متحدہ مملکت برطانیہ عظمی و آئر لینڈ
وفات	24 مئی 1902ء (65 سال)  کلیویڈن ،  سمرسیٹ ،  متحدہ مملکت برطانیہ عظمی و آئر لینڈ
شہریت	متحدہ مملکت برطانیہ عظمی و آئر لینڈ
عملی زندگی
مادر علمی	ہیلبری اینڈ امپیریل سروس کالج
پیشہ	ماہرِ لسانیات ،  مورخ ،  ماہرِ علم اللسان ،  نوآبادیاتی منتظم
پیشہ ورانہ زبان	انگریزی
ملازمت	انڈین سول سروس
باب ادب

حالا زندگی

جان بیمس 21 جون 1837ء کو گرینچ، مملکت متحدہ میں پیدا ہوئے۔ ان کے والد تھامس بیمس اعلیٰ درجہ کے پادری تھے۔ انھوں نے مرچنٹ ٹیلرزاسکول نارتھووڈ اور ہیلبری کالج ہارٹفورڈ سے تعلیم حاصل کی۔ کالج کے کلاسیکی اور سنسکرت کے انعامات کے ساتھ ساتھ فارسی میڈل بھی حاصل کیا۔ 1858ء میں وہ انڈین سول سروس کا امتحان پاس کر کے ہندوستان میں تعینات ہو گئے۔ 1859ء میں انھیں پنجاب بھیجا گیا۔ اس کے بعد 1861ء سے انھوں نے بنگال میں خدمات انجام دیں۔ اس دوران 1867ء میں انھیں بنگال پریذیڈنسی کا کلیکٹر مقرر کیا گیا۔ 1885ء میں وہ بنگال کے چیف کمشنر کے عہدے پر فائز ہوئے۔جیمس بنیادی طور پر ماہر لسانیات تھے۔ بنگال میں انھوں نے بنگالی زبان سمیت پورے ہندوستان کی زبانوں، گرامر، رسم الخط، ادب اور ثقافت پر کام کیا، لیکن بنگال کی تاریخ اور تحقیق پر ان کی خدمات بے مثال ہیں۔ ان کے ابتدائی مضامین رائل ایشیاٹک سوسائٹی میں شائع ہوئے۔ ان مضامین کا خاص موضوع ہندوستانی زبانوں پر عربی کا اثر تھا۔ بیمس نے سب سے زیادہ اوڑیا زبان پر کام کیا۔ ان کا اوڑیا کے ادب، رسم الخط اور لوک ادب پر کام مثالی ہے۔ ان کی دو کتابیں بہت اہم ہیں، جن میں اس نے سندھی زبان کا ذکر حوالہ جات سے کیا ہے۔ ان کی ایک کتاب Comparative Grammer of the Aryan Languages of India ہے جو دو جلدوں میں 1855ء اور 1872ء میں بالترتیب شائع ہوئی۔ یہ کتاب ہند آریائی زبانوں کے مشترک گرامر پر بحث کی گئی ہے۔ اس کتاب میں سندھی، پنجابی، ہندی، گجراتی، اوڑیا، مراٹھی اور بنگالی زبانوں کے بنیاد اور لسانیات پر بحث کی گئی ہے۔ جبکہ ان کی دوسری کتاب Outline of Indian Philology کے نام سے ہے جو 1867ء میں شائع ہوئی۔ اس میں سندھی، بلوچی، سرائیکی، ان کے مختلف جاگرافیائی لہجوں پر بحث کی گئی ہے۔ 1961ء میں جان بیمس کی آپ بیتی Memories of Bangali Civilian شائع ہوئی جس میں انھوں نے اپنی زندگی کے اہم واقعات اور تحقیق کے سلسلے میں پیش آنے والے مسائل پر گفتگو کی ہے۔ سر ہنری میئرس ایلیٹ کی منتشر یادوں اور لوک ادب پر مشتمل تحریروں کو ترتیب دینا اور انھیں 1869ء میں شائع کرانا جان جیمس کا ایک اہم کارنامہ ہے۔

وفات

جان بیمس 24 مئی 1902ءکو کلیڈون، سمرسیٹ میں وفات پا گئے۔

بیرونی روابط

• John Beames کی تصنیفات منصوبہ گوٹنبرگ پر
• جان بیمس انٹرنیٹ آرکائیو پر
• Beames, John: Memoirs of a Bengal Civilian (Eland, 2013)