اسلامی اصطلاح میں جدید اِلحاد دراصل مروّج مذہبی روش سے کنارہ کشی کا نام ہے۔ انگریزی زبان میں اِسے New Unorthodoxy کہا جا سکتا ہے۔ برصغیر میں جدید اِلحاد اُنیسویں صدی کے وسط میں سر سید احمد خان کی تحریکِ نیچریت سے شروع ہوتا ہوا موجودہ دور میں غامدیت پر آ کر رُک جاتا ہے۔ اسلامی اصطلاح ملحد ایسے مسلمان کے لیے استعمال ہوتی رہی ہے جو مروّج مذہبی روش سے ہٹ کر دین میں ایک نئی روش کی پیروی کرنے لگتا ہے چنانچہ سر سید احمد خان کی نیچری تحریک، مرزا غلام احمد کی تحریکِ احمدیہ، غلام احمد پرویز کی قرآنی فکر، ابو الاعلی مودودی اور آپ کے متاثر ڈاکٹر اسرار احمد کی اِقامتی فکر جبکہ مولانا وحید الدین خاں اور جاوید احمد غامدی کے معتزلانہ دینی مناہج دراصل جدید اِلحاد کی مختلف صورتیں ہیں۔[1]

جدید الحاد پر ایک نظر ترمیم

اسلامی تاریخ میں الحاد کوئی نئی اصطلاح نہیں ہے بلکہ قدیم مذہبی روش جو ملوکیت کے سائے میں پروان چڑھ چکی تھی کے مقابل میں ایک الگ دینی منہج قائم کرنے والوں کے حوالے سے معروف رہی ہے چنانچہ قدیم علما میں سے سب سے پہلے یہ اصطلاح ایک عرب متکلم واصل ابن عطا کے متعلق خواجہ حسن بصری نے استعمال کی جب آپ نے فرمایا کہ اعتزلنا واصل (واصل ہم سے علاحدہ ہوا)۔ پس یہی اعتزال یا الگ ہو جانا اسلامی اصطلاح میں الحاد کہلاتا ہے۔ جدید دور میں یہ روش برصغیر میں سب سے پہلے سرسید احمد خان نے اختیار کی جب آپ نے مروّج روش سے ہٹ کر ایک فطری منہج وضع کیا۔ مرزا غلام احمد قادیانی کی تحریکِ احمدیت جو بعد میں نبوت کے دعویٰ پر منتج ہوئی بھی دراصل جدید الحاد کی ایک اہم کڑی ہے۔ اِسی طرح غلام احمد پرویز کی قرآنی فکر، سید ابوالاعلیٰ مودودی اور آپ کے متاثر ڈاکٹر اسرار احمد کا اقامتِ دین کا منہج، جاوید احمد غامدی اور مولانا وحید الدین خان کے معتزلانہ مناہج درحقیقت جدید اِلحاد کی مختلف صورتیں ہیں۔[2]

مزید دیکھیے ترمیم

حوالہ جات ترمیم

  1. نعمان نیئر کلاچوی (2023)۔ مقالاتِ کلاچوی۔ مرشد پبلی کیشنز کلاچی ،ڈیرہ اسماعیل خان۔ صفحہ: 32 
  2. نعمان نیئر کلاچوی (2023)۔ مقالاتِ کلاچوی۔ مرشد پبلی کیشنز کلاچی ،ڈیرہ اسماعیل خان۔ صفحہ: 33