دشمن کا سامنا

دشمن کا سامنا (White Right: Meeting the Enemy) کو دیا خان نے فیوز فلمز کے تحت 2017 میں تخلیق کیا ۔ اس فلم کو برطانیہ کے آئی ٹی وی نامی پرائیویٹ چینل نے 17 دسمبر 2017ء میں نشر کیا۔

دشمن کا سامنا
نوعیت	دستاویزی
ہدایات	دیا خان
تھیم موسیقی	ڈینی فیرنٹ نک کنگسلے
نشر	مملکت متحدہ
زبان	انگریزی
تیاری
فلم ساز	دیا خان اینڈیو سمتھ ڈیرن پرنڈل
عکس نگاری	دیا خان ڈیرن پرنڈل
دورانیہ	60 منٹ
پروڈکشن ادارہ	فیوز فلمز
تقسیم کار	فیوز فلمز
نشریات
11 دسمبر 2017ء (2017ء-12-11)

پس منظر و کہانی

اس فلم کو بنانے کے لیے دیا خان نے ریاست ہائے متحدہ امریکہ کا سفر کیا۔ تاکہ وہاں دائیں بازو کے نسل پرستوں سے مل کر ان کی نفرت کے پیچھے کی ذاتی و سیاسی وجوہات جان کر اسے دوسرے لوگوں تک پہنچائے۔ اس فلم کی تحریک دیا خان کو بی بی سی پر اپنے دیے گئے انٹرویو سے ملی۔ جس میں انھوں نے کثیر الثقافتی معاشرے کے حق میں بات کی تھی۔ جس کے نتیجے میں انھیں بہت زیادہ نفرت انگیز ای میل کا سامنا کرنا پڑا۔ چنانچہ دیا خان نے اس نفرت کی وجوہات جاننے کے لیے ان لوگوں سے ملنے کا منصوبہ بنایا جنہیں وہ ناپسند کرنے کے علاوہ وہ ہمیشہ سے کتراتی رہی تھیں۔

بقول دیا خان جب انھوں نے اس فلم کو شروع کیا تھا تو وہ اتنی پُر امید نہ تھیں لیکن فلم کے خاتمے پر وہ خاصی پُر امید تھیں کہ اس نفرت کو ختم کیا جا سکا۔ فلم کے آخر میں ایک سین اس کی گواہی دیتا ہے کہ فلم کا ایک کردار جو فلم کے وسط میں کہتا ہے کہ وہ سب غیر ملکیوں کو امریکا سے نکالنا چاہتا ہے۔ دیا خان نے اُس سے سوال کیا، کیا میں بھی اُن میں شامل ہوں۔ اس کردار کا نے اثبات میں جواب دیا۔ جب دیا خان ابھی فلم کی تدوین میں مصروف تھیں، تو اسی آدمی نے فون کر کے بتایا کہ میں نے اس نسل پرست تحریک سے کنارہ کشی اختیار کر لی ہے۔ دیا نے پھر سوال کیا کہ اب جب تم تبدیل ہو چکے، کیا تم اب بھی مجھے ملک بدر کرنا چاہو گے تو اُس نے نفی میں جواب دیا کہ نہیں، اب میں تمھیں اپنا دوست سمجھتا ہوں۔ چند ماہ پہلے فلم کے کین پارکر نامی ایک اور کردار نے نسل پرست تحریک سے کنارہ کر لیا ہے۔ جس کا ذکر اُس نے امریکا کی مشہور اخبار یو ایس اے ٹوڈے میں کیا ۔

اداکار

• فرینک می انک
• پردیپ سنگھ کالیکا
• آرنو میشالیس
• جیف شوایپ
• برائن کلپیپر
• کین پارکر
• پیٹر تھیفت
• رچرڈ بی سپینسر
• جیرڈ ٹیلر

اعزازات و نامزدگیاں

سنہ	اعزاز	زمرہ	نتیجہ
2018	ایمی اعزاز	حالات حاضرہ ۔	فاتح
2018	رائل ٹیلی ویژن سوسائٹی	ہدایتکار۔ دستاویزی ۔	فاتح
2018	پیس جام	جیوری کا خصوصی اعزاز	فاتح
2018	روری پیک اعزاز	حالات حاضرہ کے لیے سونی امپیکٹ اعزاز	فاتح
2018	فلم و ٹیلی ویژن کی خواتین: برطانیہ	بی بی سی نیوز و حقائق اعزاز	فاتح
2019	بیلنگ ہیم ہیومن رائٹس فلم فیسٹیول	جیوری ایوارڈز	فاتح
2018	ایشین میڈیا اعزاز	بہترین تحقیق۔	فاتح
2018	برٹش اکیڈمی فلم ایوارڈز	حالات حاضرہ ۔	نامزد
2018	فرنٹ لائن کلب اعزاز	براڈکاسٹنگ ۔	نامزد

بیرونی روابط

• باضابطہ ویب گاہ
• دشمن کا سامنا آئی ایم ڈی بی پر