ساردینیا
| ساردینیا | |
| |
| عمومی معلومات | |
| علاقہ کا صدر مقام | کلیاری (کالیاری) |
| صدر علاقہ | ریناتو سوروو (Renato Soru) |
| صوبوں کی تعداد | 8 |
| کمونے کی تعداد | 377 |
| رقبہ | 24,090 مربع کلومیٹر (تیسرا ۔ 8.0 فیصد) |
| آبادی | 1,655,677(گیارہواں ۔ 2.8 فیصد) |
| علامت | |
| [[Image:|100px]] | |
ساردینیا (انگریزی: Sardinia) (اطالوی: Sardegna) بحیرہ روم کا دوسرا بڑا جزیرہ اور اٹلی کے بیس علاقوں میں سے ایک ہے۔ پہلا بڑا جزیرہ بھی اٹلی کا ہی علاقہ سسلیہ ہے۔ جزیرہ بحیرہ روم میں اٹلی، ہسپانیہ، تیونس کے درمیان فرانسیسی جزیرہ کورسیکہ (Corsica) کے جنوب میں واقع ہے۔ اطالوی آئین کے تحت علاقہ کو علاقائی خود مختاری کا خصوصی درجہ دیا گيا ہے اور علاقہ کا شمار اٹلی کے ان دو علاقوں میں ہوتا ہے جہاں کے لوگوں کو اطالوی آئین کے رو سے پوپولو (popolo) یا جدا لوگوں کا درجہ حاصل ہے۔ دوسرا علاقہ جس کو یہ درجہ حاصل ہے وینیتو ہے۔
ساردینیا کا کل رقبہ 24,090 مربع کلو میٹر اور آبادی لگ بھگ ساڑھے سولہ لاکھ ہے، علاقائی صدر مقام کلیاری ہے۔ علاقہ کو آٹھ صوبوں میں تقسیم کیا گیا ہے، جن میں سے چار صوبے اولبیا تیمپو، اولیاسترا، کاربونیہ اگلیسیاس اور میدیو کامپیدانو علاقائی حکومت نے بنائے ہیں اور مرکزی اطالوی حکومت ان چار صوبوں کی صوبائی تقسیم قبول نہیں کرتی۔
آٹھوں صوبوں کی تفصیل خانہ معلومات میں دی گئی ہے۔
| نمبر شمار | صوبہ | آبادی (2001ء) | رقبہ (مربع کلومیٹر) | کمونی |
|---|---|---|---|---|
| 1 | کلیاری (کالیاری) | 543,310 | 4,570 | 71 |
| 2 | کاربونیااگلیسیاس (صوبہ کاربونیا-اگلیسیاس) | 131,890 | 1,495 | 23 |
| 3 | میدیوکامپیدانو (صوبہ میدیو کامپیدانو) | 105,400 | 1,516 | 28 |
| 4 | نوعورو (نوورو) | 164,260 | 3,934 | 52 |
| 5 | اولیاسترا (صوبہ اولیاسترا) | 58,026(2005ء) | 1,854 | 23 |
| 6 | اولبیا تیمپیو (صوبہ اولبیا-تیمپیو) | 138,334 | 3,399 | 26 |
| 7 | اوریستانو (اوریستانو) | 167,971 | 3,040 | 88 |
| 8 | ساساری (ساساری) | 322,326 | 4,282 | 66 |
(نوٹ: خانہ معلومات میں دی گئی آبادی سارے صوبہ بشمول تمام کمونے کی آبادی کے ہے، نہ کا صرف شہر کی۔)
علاقہ میں سونے اور چاندی کی کئی کانیں ہیں۔ اقتصادیات کا زیادہ تر دارومدار سیاحت پر ہے۔ اس کے علاوہ مختلف قسم کی شرابیں اور کھانے پینے کا دیگر سامان بھی تیار کیا جاتا ہے۔ علاقہ میں کئی پرکشش سیاحتی جگہیں ہیں، مشہور جگہوں میں کوستہ سمیرالدا (Costa Smeralda) اور جینارجینتو (Gennargentu) شامل ہیں۔ جزیرہ اپنی ساحلی تفریحی مقامات یا بیچیز (beaches) کی وجہ سے بھی شہرت رکھتا ہے اور سمندری قصبات وغیرہ قابل دید ہیں۔
علاقہ کے آباد ترین شہر جنکی آبادی پچاس ہزار نفوس سے زیادہ ہے درج ذیل ہیں۔
| نمبر شمار | شہر | آبادی | مرتبہ شہر |
|---|---|---|---|
| 1 | کلیاری (کالیاری) | 160,886 | صوبہ |
| 2 | ساساری (ساساری) | 120,729 | صوبہ |
| 3 | کوآرتو سان ایلینا (کوارتو سانتیلینا) | 70,020 | کمونے |
(نوٹ: خانہ معلومات میں دی گئي آبادی شہر کی ہے نہ کہ پورے صوبہ کی، شہر کی آبادی میں زیر انتظام کمونے کی آبادی شامل نہیں ہے۔)
مزید پڑھیےترميم
بیرونی روابطترميم
- علاقہ ساردینیا۔ اطالوی زبان میں باضابطہ ویب سائٹ
- ساردینیا کے متعلق ویب زین
- ساردینیا گائڈ
| ویکی کومنز پر ساردینیا سے متعلق سمعی و بصری مواد ملاحظہ کریں۔ |