شہری حقوق
شہری حقوق (civil rights) لغوی معنوں کے اعتبار سے تو کسی بھی شخص کو شہریت رکھنے کی بنیاد پر حاصل ہونے والے حقوق کو کہا جاتا ہے، اس کے علاوہ اسی اصطلاح کی تعریف یوں بھی کی جاتی ہے کہ شہری حقوق سے مراد کسی بھی جگہ بسنے والے شہریوں کو حاصل ان حقوق سے ہوتی ہے کہ جن کے ذریعے سے ان کو حکومت یا ریاستی طاقت کی جانب سے کسی بھی حق تلفی، زیادتی و ظلم سے پناہ حاصل ہوتی ہو، مزید یہ کہ شہری حقوق نا صرف افراد کو حق تلفی و زیادتی سے بچانے کا سبب ہوتے ہیں بلکہ ان کے وسیلے سے معاشرے کے افراد کو شہری و سیاسی زندگی میں کردار ادا کرنے کی قانونی آزادی اور ایسا کرنے کی اہلیت کے لیے درکار اسباب بھی مہیا کیے جانا لازم قرار دیے جاتے ہیں۔ گو کہ اسی سے ملتے جلتے قانونی حقوقِ بنی آدم کے لیے ایک اور محکمہ بنام انسانی حقوق بھی بیان کیا جاتا ہے؛ فی الواقع تمام انسانی حقوق ہی شہری حقوق ہوتے ہیں اور بعض ترقی یافتہ ممالک (مثال کے طور پر جاپان وغیرہ) میں یا تو شہری حقوق کی اصطلاح مستعمل ہی نہیں یا پھر ان کو بنیادی انسانی حقوق کہا جاتا ہے نا کہ شہری حقوق اور اس بات کے برحق ہونے کا اندازہ جاپانی ویکیپیڈیا پر شہری حقوق تلاش کرنے پر لگایا جا سکتا ہے جو وہاں ناپید ہے اور صرف انسانی حقوق کا مقالہ ہی دستیاب ہوتا ہے۔ شہری حقوق کی اصطلاح اپنے پس منظر میں امریکی زیادہ ہے اور اس سے مراد ان حقوق کی لی گئی ہے کہ جو امریکا میں بسنے والے اقلیت (سیاہ فام) افراد کو مہیا کیے گئے تھے۔[1]
بیان
ترمیمجیسا کہ مذکورہ بالا ابتدائییے میں ذکر ہوا کہ شہری حقوق سے مراد وہ قوانین ہوتے ہیں جن کے باعث معاشرے کے افراد کو وہ تمام سہولیات مہیا کرنا لازم قرار پاتا ہے کہ جو ان افراد کو معاشرے کی بہبود اور سیاسی زندگی میں بھرپور اور آزادانہ کردار ادا کرنے کے قابل بنانے کے لیے ضروری ہوں۔ اور اس تعریف کے مطابق اس ان حقوق میں زندگی کی تمام بنیادی ذہنی و جسمانی سہولیات شامل ہو جاتی ہیں۔
- تمام لوگوں کی جسمانی سالمیت اور تحفظ کو یقینی بنانا۔
- قانون (بمتعلق حقوق ملزم، حقوق شفاف آزمائش یا مقدمہ، واجب علمیہ اور قانونی مداوا (legal remedy) حاصل کرنے کا حق وغیرہ) میں، قدرتی انصاف (شفافیتِ کارروائی یا دستورالعمل) کا اختیار کیا جانا۔
- صنفی، مذہبی، نسلی، امیر، غریب، جاہل و تعلیمیافتہ سمیت تمام اقسام کے امتیازی سلوک (discrimination) کی نفی اور اس کے خلاف حفاظت۔
- افراد کی سیاسی آزادی، (بشمول افرادی حقوق (یعنی آزادی افکار و ضمیر، آزادی گفتار و اظہار، مذہبی آزادی، آزادی اشاعت، آزادی سفر) اور شہری معاشرے و سیاست میں شمولیت کا حق جیسے حقوق شامل ہیں؛ جبکہ سیاسی حقوق میں پھر جماعتیں اور مشارکات (associations) بنانے کی آزادی، اجتماعات کرنے کی آزادی، عرضداشت کی آزادی اور راۓ دینے کی آزادی شامل سمجھے جاتے ہیں۔
حوالہ جات
ترمیم- ↑ شہری حقوق پر متعدد ذرائع سے تشکیل شدہ ایک صفحہ آن لائن