شیر شاہ جنکشن ریلوے اسٹیشن

شیر شاہ جنکشن ریلوے اسٹیشن پاکستان میں واقع ہے۔ یہ اسٹیشن ملتان کینٹ کے نواح میں چک ریلوے اسٹیشن اور مظفرآباد ریلوے اسٹیشن کے درمیان دریا ِئے چناب کے قریب ملتان، لودھراں مین لائن (لوپ لائن) پر واقع ہے جہاں سے ایک برانچ لائن دریاِئے چناب کو پار کر کے کوٹ ادو جنکشن تک جاتی ہے ۔ جو کوٹری-اٹک ریلوے لائن2 پر واقع ہے اس برانچ لائن کی کل لمبائی74 کلومیٹر ہے۔ جو مین لائن ون اور مین لائن 2 کے درمیان اہم ترین لنک سمجھا جاتا ہے۔

شیر شاہ جنکشن ریلوے اسٹیشن Sher Shah Jn Railway Station
محل وقوع	شیر شاہ، ملتان
مالک	وزارت ريلوے
لائن(لائنیں)	کراچی-پشاور ریلوے لائن شیر شاہ-کوٹ ادو برانچ لائن
دیگر معلومات
اسٹیشن کوڈ	SSH
خدمات
پچھلا اسٹیشن پاکستان ریلوے اگلا اسٹیشن چک بطرف کیماڑی کراچی-پشاور لائن مظفر آباد بطرف پشاور چھاؤنی ٹرمینس شیر شاہ-کوٹ ادو برانچ لائن چناب ویسٹ بنک بطرف کوٹ ادو جنکشن

تاریخ

اسٹیشن سے چند کلومیٹر کے فاصلے پر ہی دریا چناب پر سب سے لمبا پل “شیرشاہ ریلوے پل واقع ہے جو شیرشاہ کو مظفرگڑھ سے ملاتا ہے۔

جب لودھراں سے رائیونڈ تک لاہور، کراچی ریلوے لائن کو ڈبل کیا گیا تو پہلا حصہ لودھراں سے شیرشاہ جنکشن تک بجھایا گیا تھا۔

شیر شاہ جنکشن پر ریلوے ٹرائ اینگل بھی ہے جو اسٹیشن پر بائ پاس کا کام کرتی ہے۔ لودھراں کی طرف سے آنے والی کوئی بھی گاڑی اسٹیشن پر آئے بغیر اسٹیشن سے پہلے ہی مڑ کر ڈائریکٹ شیرشاہ، کوٹ ادو برانچ لائن میں مل جاتی ہے۔ یہ لائن مال بردار گاڑیوں خاص طور پر خام تیل لانے اور لے جانے والی گاڑیوں کے استعمال میں ہے۔

شیرشاہ جنکشن سے کوٹ ادو برانچ لائن کو استعمال کرنے والی مسافر ریل گاڑیوں میں مہرایکسپریس اور تھل ایکسپریس شامل ہیں اس سے پہلے کوئٹہ جانے والی چلتن ایکسپریس بھی یہیں سے کوٹ ادو جنکشن، ڈیرہ غازی خان، راجن پور، کشمور، جیکب آباد ، سبی اور کوئٹہ جاتی تھی۔

شیرشاہ جنکشن پشاور، راولپنڈی، اٹک، جیکب آباد، سکھر اور کوٹری کے لیے متبادل راستہ فراہم کرتا ہے براستہ کوٹ ادو جنکشن، لیہ، بھکر، میانوالی جبکہ کوٹ ادو سے دوسری طرف آپ ڈیرہ غازی خان، راجن پور،کشمور، جیکب آباد، کوئٹہ، لاڑکانہ، دادو اور کوٹری تک جا سکتے ہیں۔

شیرشاہ جنکشن کا نام شیر شاہ سوری کے نام پر نہیں ہے بلکہ کسی مقامی صوفی بزرگ کے نام پر رکھا گیا ہے۔ برصغیر کے مشکور مسلمان جرنیل شیرشاہ سوری رح کا مقبرہ بھارتی ریاست بہار کے شہر سہسرام میں ہے۔

ریلوے اسٹیشن کوڈ

پاکستان ریلویز کی سرکاری ویب سائٹ کے مطابق شیر شاہ جنکشن ریلوے اسٹیشن کا کوڈ SSH ہے

موجودہ حالت

اس وقت یہ اسٹیشن پاکستان ریلویز کے استعمال میں ہے ۔

محل وقوع

شیر شاہ جنکشن ریلوے اسٹیشن شیر شاہ، ملتان میں واقع ہے

مزید دیکھیے

• پاکستان ریلویز
• ریلوے اسٹیشن

بیرونی روابط

• پاکستان ریلوے کی ویب گاہآرکائیو شدہ بذریعہ pakrail.gov.pk