علی آکاش

علی آکاش (انگریزی: Ali Akash) پاکستان سے تعلق رکھنے والے سندھی زبان کے معروف شاعر اور ادبی نقاد ہیں۔ آپ کی کئی کتابیں شائع ہو چکی ہیں۔ وہ عصرِ حاضر کے جدید شعرا میں اپنا منفرد مقام رکھتے ہیں۔

علی آکاش
(سندھی میں: علي آڪاش)
معلومات شخصیت
پیدائش	15 اپریل 1975ء (49 سال)  ضلع لاڑکانہ ،  سندھ ،  پاکستان
شہریت	پاکستان
عملی زندگی
مادر علمی	جامعہ شاہ عبد اللطیف جامعہ سندھ
تعلیمی اسناد	ایم اے
پیشہ	شاعر ،  ادبی نقاد
پیشہ ورانہ زبان	سندھی
شعبۂ عمل	غزل ،  نظم ،  ادبی تنقید ،  مضمون
باب ادب

حالات زندگی

علی آکاش کا اصل نام صاحب خان ہے مگر رکارڈ میں اس کا نام معشوق علی گوپانگ ہے۔ علی آکاش 15 اپريل 1975ء کو ضلع لاڑکانہ موجودہ ضلع قمبر-شہدادکوٹ کے شہر قمبر کے محلہ گوپانگ میں استاد جان محمد کے گھر میں پیدا ہوئے۔انھیں بچپن میں کرکٹ کھیلنے کا بہت شوق تھا اور کرکٹ کے کھیل میں اپنے علاقے میں اس نے لوہا منوایا۔

تعلیم

علی آکاش نے ابتدائی تعلیم سے لے کر کالج تک تعلیم اپنے آبائی گاؤں قمبر میں حاصل کی۔کچھ عرصے کے لیے کراچی میں بھی تعلیم حاصل کی لیکن کچھ وجوہات کے وجہ سے کراچی میں تعلیم کا سلسلہ جاری نہ رکھ سکے۔ انھوں نے سندھ یونیورسٹی سے 1998ء میں ایم اے (اردو ادب) اور جامعہ شاہ عبد اللطیف خیرپور سے 2007ء میں ایم اے (سوشیالوجی) کی سندیں حاصل کیں۔

ادبی خدمات

علی آکاش نے شاعری کی ابتدا اسکول میں تعلیم حاصل کرنے کے دوران کی۔ بعد میں گہرائی سے مطالعہ اور مشاہدہ کیا اور شعر میں تخلیقی زبان استعمال کر کے شعر لکھنا شروع کیا۔اس کے ساتھ ساتھ انھوں نے تنقیدی مضامین بھی لکھنا شروع کیے۔ ان کے مضامین اور شاعری سندھ کے معیاری ادبی جرائد اور اخبارات میں شائع ہوتے ہیں۔ سخت محنت و مشقت کے بعد انھوں نے خود کو عصرِ حاضر کے جدید شاعر اور ادبی نقاد کی حیثیت سے منوایا ہے۔ علی آکاش کی کتاب درویش جی تنہائی سندھی شاعری کی بہترین کتب میں شمار کی جا سکتی ہے۔ جدید سندھی شاعری میں علی آکاش کا نام نمایاں ہے۔ اس کے مضامین کی کتاب نئی کویتا جو بحٹ بھی بہترین کتاب ہے مگر درویش جی تنہائی ایک اہم کتاب ہے۔ اس کتاب کے بئک ٹائیٹل پر اس غزل ہے جو کتاب میں شامل شاعری کے علاوہ مکمل کتاب کی تشریح ہے۔ اس کتاب میں علی آکاش کی شاعری میں گائوں کی عام زندگی اور فطرت کی عکس نگاری کی بڑی خوبی ہے۔ فنی حوالے سے بھی اس کے شعر میں بڑی پختگی ہے۔ اس کی اس کتاب درویش جی تنہائی میں شامل شاعری اسے اپنے ہمعصر شعرا میں منفرد حیثیت فراہم کرتی ہے۔

کتب

• کاک کنارے شام (غزل، سرمد اکیڈمی قمبر، جنوری 1998ء)
• ہینئڑو اوٹھے وگ جیاں (شاعری، کنول پبلیکیشن قمبر، 2017ء)
• شاعری جے بچاءُ میں (تنقید،سندھیا پبلیکیشن شکارپور، 2017ء)
• پکا رچھ کنبھار جا (شاعری، کنول پبلیکیشن قمبر، جنوری 2018ء)
• نئی کوتا جو بحث اور دوسرے مضامین (تنقید،کنول پبلیکیشن قمبر، 2018ء)
• درویش جی تنہائی، شاعری، روشنی پبلیکیشن حیدرآباد، 2019
• گلابی اگتے ویندڑ راہ، شاعری، انسٹی ٹیوٹ آف سندھالوجی، جامشورو، 2019ء.
• ایکویہوں صبح، شاعری، کنول پبلیکیشن قمبر، 2021ء