لال فیتہ شاہی

لال فیتہ شاہی (انگریزی: Red tape) ایک استعارہ ہے جو حد سے زیادہ قوانین و ضوابط یا سخت شکل ہندیوں کی پابندی کے اصولوں کو کہتے ہیں جنہیں از کار رفتہ یا سرکاری بابوؤں کی گرفت کی علامت سمجھا جاتا ہے۔ یہ کسی کار روائی یا فیصلہ سازی میں رکاوٹیں اور اڑچنیں پیدا کرتی ہیں۔ ان کا اکثر اطلاق حکومتوں، کارپوریشنوں اور دیگر اداروں پر ہوتا ہے۔ "لال فیتہ" کے تحت بیان کردہ باتوں میں کاغذات کی خانہ پُری، لائسنسوں کا حصول، متعدد افراد یا مراتب کا ہونا، کئی کمیٹیوں کا وجود میں آنا شامل ہیں جو کسی فیصلے کی منظوری میں حائل ہوتے ہیں۔ اس کے علاوہ ذیلی سطح کے اسی سے منسلک اصول کسی کے معاملات کی انجام دہی کو دھیمی یا زیادہ مشکل یا دونوں طرح کے مسائل سے دوچار بناتے ہیں۔

امریکی خانہ جنگی کے دوران بانڈ کوپنوں پر لال فیتے کا اثر نمایاں تھا۔

مختلف ملکوں میں لال فیتہ شاہی

2010ء میں ہانگ کانگ کے ایک ادارے پولیٹکل اینڈ اکانومک رسکت کنسلٹینسی نے بارہ ایشیائی ممالک میں سو سے زیادہ کاروباری عہدے داروں کا سروے کیا تھا۔اس سروے کی رپورٹ کے مطابق بھارت میں لال فیتہ شاہی (ریڈ ٹیپ ازم) کی صورت حال اتنی خراب ہے کہ اس کا شمار دنیا کے بدترین نظاموں میں کیا جاتا ہے۔

نیشن ماسٹر ویب گاہ کے حساب سے 2013ء میں وینیزویلا میں سب سے پہلے مقام پر تھا۔ یہ رپورٹ کاروبار شروع کرنے میں جملہ مشکلات کا مطاعہ تھا۔ اس فہرست میں بھارت 55 ویں مقام پر اور پاکستان 67 ویں مقام پر تھا۔

اسی طرح سے اکتوبر 2019ء میں پاکستان کے وزیر اعظم عمران خان نے بدعنوانی کو ان کے ملک میں سرمایہ کاری کی راہ میں بڑی رکاوٹ قرار دیا۔ عمران خان نے کہا کہ پاکستان میں سرمایہ کاری کے ماحول کو فروغ دینے کی راہ میں سب سے بڑی رکاوٹ لال فیتہ شاہی ہے فیتہ ہے جوبدعنوانی کا باعث بنتا ہے۔

اسی طرح سے دنیا کے کئی اور ممالک لال فیتہ شاہی کی گرفت میں ہیں اور لوگ اس سے باہر آنے کی کوشش کر رہے ہیں۔

مزید دیکھیے

• حکومت
• کارپوریشن
• فیصلہ سازی