محمد جمن (گلوکار)
استاد محمد جمن (پیدائش: 10 اکتوبر، 1935ء - وفات: 24 جنوری، 1990ء) پاکستان سے تعلق رکھنے والے نامور کلاسیکی و لوک گلوکار تھے۔
| استاد محمد جمن | |
|---|---|
| معلومات شخصیت | |
| پیدائش | 10 اکتوبر 1935 سوڑھ، بلوچستان، برطانوی ہندوستان (موجودہ پاکستان) |
| وفات | 24 جنوری 1990 (عمر 54 سال) کراچی، پاکستان |
| قومیت |  پاکستانی |
| عملی زندگی | |
| پیشہ | موسیقار |
| وجہ شہرت | گلوکاری، موسیقاری |
| صنف | کلاسیکل، صوفیانہ موسیقی، لوک موسیقی، غزل، وائی |
| اعزازات | |
| صدارتی تمغا برائے حسن کارکردگی | |
درستی - ترمیم  | |
حالات زندگی
ترمیماستاد محمد جمن 10 اکتوبر، 1935ء کو سوڑھ، بلوچستان، برطانوی ہندوستان (موجودہ پاکستان) میں پیدا ہوئے۔ ان کے والد زمیندار تھے مگر موسیقی سے شغف رکھتے تھے۔ محمد جمن کے نانا بھی سارندہ اور طنبورہ بجانے پر دسترس رکھتے تھے۔ اس ماحول میں محمد جمن کا بھی موسیقی سے شغف ہونا فطری تھا چنانچہ وہ یہ ساز بھی بجانے لگے اور گانے بھی لگے۔[1]
قیام پاکستان کے بعد محمد جمن ریڈیو پاکستان سے وابستہ ہو گئے اور پہلے کراچی اور پھر حیدرآباد اسٹیشن سے اپنی گائیکی کا جادو جگانے لگے۔ ریڈیو پاکستان حیدرآباد اسٹیشن سے وابستگی کے زمانے میں انھیں موسیقی ترتیب دینے کا بھی موقع ملا۔ محمد جمن کے شاگردوں میں روبینہ قریشی، زیب النسا، زرینہ بلوچ اور استاد محمد یوسف کے نام سرفہرست ہیں۔[1]
اعزازات
ترمیمحکومت پاکستان نے استاد محمد جمن کی فنی خدمات کے اعتراف کے طور پر انھیں23 مارچ، 1980ء کو صدارتی تمغا برائے حسن کارکردگی عطا کیا۔[1]
وفات
ترمیماستاد محمد جمن 24 جنوری، 1990ء کو کراچی، پاکستان میں وفات پاگئے۔[1]
حوالہ جات
ترمیم- ^ ا ب پ ت پاکستان کرونیکل: عقیل عباس جعفری، ص 663، ورثہ / فضلی سنز، کراچی، 2010ء