محمد رسول خان ہزاروی

مولانا محمد رسول خان ہزاروی (پیدائش; 1871ء - 23 اکتوبر 1971ء)ایک پاکستانی اسلامی سکالر اور مصنف تھے۔ اس نے دارالعلوم دیوبند سے تعلیم حاصل کی اور محمود حسن دیوبندی کے شاگرد تھے۔ وہ دارالعلوم دیوبند میں استاد بھی رہے۔

محمد رسول خان ہزاروی
معلومات شخصیت
پیدائش	سنہ 1871ء   ہزارہ
تاریخ وفات	23 اکتوبر 1971ء (99–100 سال)
شہریت	برطانوی ہند پاکستان
عملی زندگی
استاذ	محمود حسن دیوبندی
تلمیذ خاص	شمس الحق افغانی ،  محمد شفیع عثمانی ،  محمد يوسف بنوری ،  ادریس کاندھلوی ،  محمد طیب قاسمی
پیشہ	عالم
ملازمت	دار العلوم دیوبند

ہزاروی 1871ء میں ہزارہ میں موجودہ ضلع بٹگرام کے علاقہ ٹکری میں پیدا ہوئے۔ اس کے بعد ضلع مانسہرہ میں اچھڑیاں نامی بستی کے رہنے والے تھے اور وہیں ان کی قبر ہے۔ وہ جامعہ اشرفیہ لاہور کے شیخ الحدیث اور اورینٹل کالج میں عربی کے پروفیسر رہے۔ انھیں دار العلوم دیوبند میں شیخ الکل فی الکل کہا جاتا تھا کیونکہ ان کا حافظہ نہایت قوی تھا اور اللہ تعالی نے انھیں ایسا علمی ملکہ عطاء فرمایا تھا کہ ان کو متن کے ساتھ ساتھ کتاب کا حاشیہ بھی ازبر رہتا تھا۔ البتہ ان کا مشغلہ چونکہ درس وتدریس رہا اس لیے تصنیفی کام کی طرف توجہ نہیں دے سکے۔

مولانا شمس الحق افغانی، محمد شفیع عثمانی، محمد یوسف بنوری، محمد ادریس کاندھلوی،اور قاری محمد طیب ان کے شاگردوں میں قابل ذکر ہیں۔