محمد سعید خان (نواب رام پور)

نواب محمد سعید خان آف رام پور آڈر آف دی سٹار آف دی انڈیا، (پیدائش: 19 مئی 1786ء - 1 مئی 1855ء) اپنے چاچا زاد بھائی نواب احمد علی خان بہادر کے بعد 5 جولائی 1840ء سے 1 اپریل 1855ء تک ریاست رام پور کے نواب رہے۔ وہ نواب غلام محمد خان بہادر کے فرزند تھے۔ نواب محمد سعید خان نے اپنے ابتدائی سال برطانوی ایسٹ انڈیا کمپنی کی ملازمت میں میں گزارے۔ آخرکار ترقی کرتے ہوئے وہ دودائن (بھارت) کے ڈپٹی کلکٹر کے عہدے تک پہنچ گئے۔ اگرچہ ان کے والد اپنے مختصر دورِ حکومت میں ایک ظالم رہے تھے، لیکن نواب محمد سعید خان اپنے باپ کے برعکس ایک خیرخواہ اور ترقی پسند حکمران ثابت ہوئے۔ انھوں نے آبپاشی کے منصوبوں کی تعمیر اور عدالتیں اور ایک جدید قانونی ضابطہ قائم کیا۔ نواب محمد سعید خان کا انتقال 1 اپریل 1855ء کو 69 سال کی عمر میں ہوا اور انھیں رام پور میں دفن کیا گیا۔ ان کے بعد ان کے بڑے بیٹے نواب یوسف علی خان بہادر رام پور کے نواب بنے۔

نواب محمد سعید خان بہادر
نواب رام پور چیف آف روہیلہ
نواب محمد سعید خان روہیلہ آف رام پور کی تصویر
نواب رام پور
5 جولائی 1840ء - 1 اپریل 1855ء
پیشرو	نواب احمد علی خان بہادر آف رام پور
جانشین	نواب یوسف علی خان بہادر آف رام پور
خاندان	روہیلہ
والد	نواب غلام محمد خان بہادر
پیدائش	محمد سعید خان 19 مئی 1786ء
وفات	1 اپریل 1855ء مچھی بھون قلعہ معلیٰ، رام پور
تدفین	قلعہ معلیٰ امام باڑہ
مذہب	اسلام(اہل تشیع)

اپنے دورِ حکومت میں نواب محمد سعید خان نے رضا لائبریری، رام پور کو مزید منظم کیا۔ انھوں نے علامہ یوسف علی خان مہوی کو لائبریری میں مقرر کیا۔ کشمیر اور ہندوستان کے دیگر حصوں سے ماہر خطاطوں، مصوروں اور جلد سازوں کو لائبریری میں کام کے لیے مدعو کیا۔

محمد سعید خان (نواب رام پور) روہیلہ خاندان
شاہی القاب
ماقبل  احمد علی خان	نواب رام پور 5 جولائی 1840ء – 1 اپریل 1855ء	مابعد  یوسف علی خان