مرجاواں
مرجاواںترجمہ I will die میں مر جاؤں گا) 2019ء کی ایک بھارتی ہندی زبان کی رومانٹک ایکشن فلم ہے۔ جس کے ہدایت کار ملاپ جاویری اور فنکاروں میں رتیش دیشمکھ ، سدھارتھ ملہوترا ، تارا سوتاریہ اور رکل پریت سنگھ مرکزی کرداروں میں ہیں۔ . شریک پروڈیوسر بھوشن کمار نے اس فلم کو "ایک پرتشدد ، ڈرامائی انداز میں محبت کی کہانی" قرار دیا۔ یہ فلم 2 اکتوبر 2019 کو ریلیز ہونے والی تھی ، لیکن تاخیر کا شکار ہو گئی اور یہ تھیٹر میں 15 نومبر 2019 کو ہندوستان میں ریلیز ہوئی۔
| مرجاواں | |
|---|---|
 فلم کا پوسٹر | |
| ہدایت کار | ملاپ جاویری |
| پروڈیوسر |
|
| تحریر | ملاپ جاویری |
| ستارے | رتیش دیشمکھ سدھارتھ ملہوترا تارا سوتاریہ رکل پریت سنگھ |
| موسیقی | Songs: تنشک باگچی میٹ بروز پائل دیو Score: سنجوئے چوہدری |
| سنیماگرافی | نگھم بونزان |
| ایڈیٹر | ماہر زاویری |
پروڈکشن کمپنی | |
| تقسیم کار | پین انڈیا لمیٹڈ |
تاریخ نمائش |
|
دورانیہ | 135 minutes[1] |
| ملک | India |
| زبان | Hindi |
| باکس آفس | اندازاً۔ ₹7.03 crore[2] |
فلم کی کہانی
ترمیمرگھُو (سدھارتھ ملہوترا) ممبئی میں واٹر مافیا کو کنٹرول کرنے والے مقامی ڈون نارائن اننا (نصر) کا وفادار غنڈہ ہے،جو اننا کے کہنے پر اس کے دشمن گایٹونڈے (اننت جوگ) کے بیٹے (امیت مہرا) کو مارڈالتاہے۔ اننا رگھو کو اپنے بیٹے کی طرح مانتا ہے۔ مگر رگھو پر نارائن انا کے بھروسے اور پیار کے برتاؤ کو نارائن اننا کا بیٹا وشنو (رتیش دیشمکھ) پسند نہیں کرتا، جن کی پیچیدگیاں اس کے چھوٹے قد سے زیادہ کی وجہ سے پیدا ہوتی ہیں، وہ واحد شخص ہے جو اس حقیقت کی طرف مسلسل توجہ مبذول کرتا ہے کہ وہ صرف تین فٹ لمبا ہے۔ رگھو اپنے تین دوستوں مظہر، شفیع، (شاد رندھاوا، ادے نینے، گودان کمار) کے ساتھ بستی میں سب کی مدد کرتا ہے، بستی میں رہنے والی ایک طوائف آرزو (رکل پریت سنگھ) رگھو کو پسند کرتی ہے، لیکن وشنو رگھو سے نفرت کرتا ہے۔ چنانچہ جب رگھو ایک موسیقی پسند کشمیری لڑکی زویا (تارا سوتاریہ) کی محبت میں پڑتا ہے ، تو وشنو اس موقع کو ہاتھ میں لے کر اپنے والد کے سب سے پسندیدہ کارکن یعنی رگھو کو بدنام کرنے کے لیے استعمال ہوتا ہے۔ جب زویا کو کشمیر میں میوزک فیسٹیول مقابلے کے لیے کوٹھے کی ایک لڑکی پائل (علینا قاضی) مل جاتی ہے تو وشنو اس کی مخالفت کرتا یے۔ وہ رگھو کو تنبیہ دیتا ہے کہ اس علاقے کی لڑکی صرف ایک فاحشہ عورت بن کر ہی بڑھے گی۔ جب وشنو کا ایک غنڈہ اس لڑکی پائل کو واپس کوٹھے لے جانے کے لیے آتا ہے تو رگھو اس غنڈے کو دھکیل دیتا ہے غصہ میں جب وشنو راگھو کو گولی مارنے کے لیے اپنی بندوق نکالتا ہے تو رگھوکا دوست مظہر(شاد رندھاوا) وشنو کو لات مارتا ہے، جس پر وہ مشتعل ہوکر وہ وہاں سے چلا جاتا ہے، تب وشنو نے بدلہ لینے کے لیے اپنے باپ کے ایک دشمن گایٹونڈے (اننت جوگ) کا اغوا کیا اور ایک بچہ جس کو زویا نے میوزک فیسٹیول کے لیے منتخب کیا تھا، اسے شوٹ کرنے کے لیے کہتا ہے، لیکن زویا کایٹونڈے کا قتل ہوتے دیکھ لیتی ہے ، وشنو کو زویا کی موجودگی کا پتہ چلتا ہے ، لیکن وہ بھاگ جاتی ہے تاکہ وہ اسے قتل نہ کریں وہ رگھو کو مسیج کرتی ہے جو اسے مل نہیں پاتا۔ تب وشنو اپنے باپ نارائن انا سے کہتا ہے کہ اس قتل کا ایک گواہ لڑکی اور پھر انا رگھو کو زویا کو مارنے کا حکم دیتا ہے یہ جانتے ہوئے کہ رگھو اس سے پیار کرتا ہے۔ رگھو زویا سے ملتا ہے اور اسے وشنو اور اس کے باپ انا سے بچاکر بھگانے کی کوشش کرتا ہے لیکن آخر کار وشنو انھیں پکڑتا ہے اور حکم دیتا ہے کہ رگھو ، زویا اور بچوں کو مار ڈالے۔ لیکن نارائن انا مداخلت کرتا ہے اور رگھو سے کہتا ہے کہ اگر وہ صرف زویا کو جان سے مارے گا تو باقی بچے محفوظ رہیں گے۔ کیونکہ وہ گایٹونڈے کے قتل کی چشم دید گواہ ہے آخر کار زویا بندوق اٹھاتی ہے اور رگھو سے کہتی ہے کہ اے مار ڈالے تاکہ بچے محفوظ رہیں، رگھو نہیں مانتے مگر بندوق اس کے ہاتھ میں دے کر ٹریگر چلا یتی ہے۔ زویا اس کے بازوؤں میں دم توڑ دیتی ہے، تب پولیس پہنچ جاتی ہے اور زویا کے قتل کے الزام میں رگھو کو گرفتار کرلیاجاتا ہے۔ رگھو جیل میں غمگین ہر وقت زویا کو یاد کرنے لگا۔ وشنو جیل میں قیدیوں کی مدد سے رگھو کو جیل میں مارنے کی کوشش کرتا ہے کیونکہ اگر رگھو رہا ہو گیا تو وہ بدلہ لے گا لیکن رگھو غنڈوں کو مارتاہے۔ اس کے بعد وشنو رگھو کے دوست مظہر کی ٹانگ کاٹ دیتا ہے کیونکہ اس نے وشنو کو لات ماری تھی۔ جب وشنو کو اس کا باپ بتاتا ہے کہ ہ رگھو کو عمر قید کی سزا سنائی جائے گی تو وشنو ثبوتوں پر رشوت دے کر رگھو کو باہر نکلنے میں مدد کرتا ہے تاکہ جب رگھو باہر آئے گا تو وہ اسے مار ڈالے گا۔ لیکن جب راگھو رہا ہوتا ہے تو وشنو دیکھتا ہے کہ زویا کی موت کے بعد رگھو شراب کے نشے میں غمگین رہنے لگا ہے اور وہ اس سے بدلی لینا نہیں چاہتا۔ جبکہ وشنو کا باپ نارائن انا بھی وشنو کو رگھو پر حملہ کرنے سے روک دیتا ہے۔ وشنو رگھو کو غصہ دلانے اور اپنا بدلہ پورا کرنے کے لیے مختلف چالیں چلتا ہے ۔ لیکن ان طریقوں کو آزماتے ہوئے وہ ناکام ہوجاتا ہے جب وشنو کا باپ اسے پکڑتا ہے اور اسے کہتا ہے کہ اب وہ رگھو کو مشتعل نہ کرے تو وہ اپنے باپ کو مار دیتا ہے اور راگھو کو مارنے کے لیے غنڈے بھیجتا ہے لیکن رگھو سب کو مار کر دفن کرتا ہے اور پھر وہ زویا کی قبر پر جاکر وشنو سے انتقام لینے کا عہد کرتا ہے اور یہاں تک کہ اس کے دوست بھی اس مشن میں اس کے ساتھ شامل ہو جاتے ہیں۔ اگلے دسہرہ کے دن جب وشنو راون کا پتلا جلانے آتا ہے تو رگھو وہاں پہنچ جاتا ہے وشنو کے تماغنڈوں کو پیٹنا شروع کردیتا ہے۔ لڑائی کے دوران وشنو رگھو کے دل میں تیر گھونپ دیتا ہے لیکن رگھو اسے نیچے پھینکتا ہے اور راون کے ساتھ جلا دیتا ہے، تیر سے زخمی رگھو گر پڑتا ہے اور اپنے دوست آرزو سے کہتا ہے کہ وہ دوسری بار اس کا نہیں ہو سکا، پھر وہ زویا کی روح کو دیکھتا ہے اور سکون سے مر جاتا ہے۔ پھر پولیس اس جگہ پر پہنچتی ہے جہاں انسپکٹر اے سی پی (روی کشن) کو بتاتا ہے کہ اس کی موت ہو گئی جبکہ اے سی پی نے جواب دیتے ہوئے کہا کہ وہ اپنی زندگی میں واپس آگیا ہے جو زویا تھی۔
اداکار و کردار
ترمیم- رتیش دیشمکھ - بطور- وشنو
- سدھارتھ ملہوترا - بطور-رگھو
- تارا ستاریہ - بطور- زویا
- رکل پریت سنگھ - بطور-آرزو
- ناصر - بطور- نارائن اننا
- شاد رندھاوا - بطور- مظہر، رگھو کا دوست
- روی کشن - بطور- اے سی پی
- ورندر سنگھ گھمن - بطور- راکا، وشنو کا باڈی گارڈ
- بکرمجیت کنورپال
- گوداں کمار - بطور- شفیع، رگھو کا دوست
- ادے نیے - بطور- گوپی، رگھو کا دوست
- علینہ قاضی - بطور- پائل
- اوم کنوجیہ- بطور - ٹائم پاس، بستی کا ایک بچہ
- سواتی سیٹھ - بطور- زویا کی دوست اور ترجمان
- کارتیکا ائیر- بطور- زویا کی دوست
- نلنی سوامی - بطور- زویا کی دوست
- پوجا- بطور- زویا کی دوست
- آیوش مہیش کھیڈکر - بطور - بستی کا ایک بچہ
- اننت جوگ - بطور- گائٹونڈے
- امیت مہرا - بطور- گائٹونڈے کا بیٹا
- سوہاسنی مولے - بطور- ماں جی، بستی کی ایک مسلم خاتون
- عمر رضا خان - بطور- پولیس کانسٹیبل
- ماینک کمار مشرا- بطور- لطیف
- سنجے بھاٹیہ - بطور- ڈاکٹر
- سریندر ٹھاکر - بطور- وشنو کا غنڈہ
- آکاش اکی ناتھ - بطور- وشنو کا غنڈہ
- ولسن ٹائیگر- بطور- نارائن اننا کا غنڈہ
- نورا فتحی (گانے "ایک تو کم زندگانی" میں آئٹم نمبر) [3] [4]
- نشرت بھروچا (گانے میں آئٹم نمبر)
فلم بندی
ترمیمفلم کی پرنسپل فوٹوگرافی کا آغاز 7 دسمبر 2018 کو ملہوترا نے اپنے آفیشل انسٹاگرام اکاؤنٹ پر اپنی تصویر شیئر کرتے ہوئے کیا۔ [5] [6] دوسرا شیڈول جنوری کے وسط سے شروع ہوا اور مارچ تک ختم ہوا۔ سدھارتھ ملہوترا ایک درجن غنڈوں کے ساتھ شوٹنگ کر رہے ہیں اور ایکشن موڈ میں تبدیل ہو چکے ہیں۔ "اسٹنٹ ٹیم باڈی ڈبل کو لے کر شوٹ کرنا چاہتی تھی کیونکہ سدھارتھ کی کمر اور کندھے میں آگ لگ جاتی تھی لیکن انھوں نے خود اس سین کو فلمند کیا تاکہ یہ سین فلم مین بہتر نظر آئے اور اپنے کردار پر قائم رہے۔" سدھارتھ نے 15 مارچ 2019 کو گانوں کے علاوہ اپنا حصہ مکمل کیا۔ انھوں نے عملے کے ساتھ ایک دلی پیغام کے ساتھ ایک تصویر پوسٹ کرتے ہوئے اس خبر کا اعلان کیا۔ [7] نومبر 2019 میں ، تریش دیش مکھ نے انکشاف کیا کہ شاہ رخ خان نے بونے کے بطور سابقہ کردار کے لیے کچھ VFX شاٹس کے ساتھ پروڈکشن ٹیم کی مدد کی تھی۔
موسیقی
ترمیمفلم کی موسیقی کی تنش باگچی ، میٹ بروز اور پازیب دیو نے ترتیب دی گیت کے بول ساتھ کمار، تنشک باگچی ، کنال ورما، منوج منتنصر ، اے ایم توراز اور رشمی ویراگنے لکھے . دوسرا گانا "ایک تو کم زندگانی" فلم جانباز کے گانے "پیار دو پیار لو" کا ری میک ہے ، انیس بزمی کی فلم تھینک یو کے بعد یہ گانے دوسری مرتبہ ری میک ہوا ہے ، جہاں پریتم نے اس کی موسیقی بنائی ہے ۔ [8] [9] چوتھا گانا ہے ہو ، دیاوان فلم سے ایک گانا "چاہے میری تو جان لے لی" کا ری میک ۔ . فلم میں ایک آئٹم سانگ "پیئو دٹکے" بھی تھا ، جس میں نشرت بھروچا کو لیا گیا تھا لیکن فلم کے فائنل کٹ میس اسے ہٹا دیا گیا تھا۔ [10]
| نمبر. | عنوان | طوالت |
|---|
حوالہ جات
ترمیم- ↑ "Marjaavan (2019)"۔ British Board of Film Classification۔ اخذ شدہ بتاریخ 13 نومبر 2019
- ↑ "Marjaavan Box Office"۔ Bollywood Hungama۔ اخذ شدہ بتاریخ 16 نومبر 2019
- ↑ "Marjaavaan Song Ek Toh Kum Zindagani Teaser: Nora Fatehi sizzles in the 90's recreated iconic track"۔ Pinkvilla۔ 8 October 2019۔ اخذ شدہ بتاریخ 08 اکتوبر 2019[مردہ ربط]
- ↑ "Marjaavaan song Ek Toh Kum Zindagani: Nora Fatehi pays a sizzling tribute to Rekha"۔ Times Now۔ 8 October 2019۔ اخذ شدہ بتاریخ 08 اکتوبر 2019
- ↑ "Sidharth Malhotra on Instagram: "Ishq aur inteqaam ka koi mazhab nahi, koi ek Rab nahi! ...#Marjaavaan Shoot begins today! @milapzaveri @riteishd @tarasutaria__...""۔ Instagram (بزبان انگریزی)۔ اخذ شدہ بتاریخ 12 جنوری 2019
- ↑ "Shooting of Marjaavaan Begins"۔ Movie Alles (بزبان انگریزی)۔ 12 January 2019۔ 02 مئی 2019 میں اصل سے آرکائیو شدہ۔ اخذ شدہ بتاریخ 12 جنوری 2019
- ↑ Shalini Singh (15 March 2019)۔ "It's a wrap! Sidharth Malhotra winds up the shoot of Marjaavaan; shares pics from the sets"۔ Times Now News 18۔ اخذ شدہ بتاریخ 21 مارچ 2019
- ↑ "Marjaavaan song Ek Toh Kum Zindagani teaser: Nora Fatehi and Tanishk Bagchi to spin Rekha's Pyar Do Pyar Lo"۔ Bollywood Life۔ 8 October 2019۔ اخذ شدہ بتاریخ 08 اکتوبر 2019
- ↑ "Marjaavaan's Pyaar Do Pyaar Lo: Nora Fatehi sizzles in another remake"۔ India Tv۔ 8 October 2019۔ اخذ شدہ بتاریخ 08 اکتوبر 2019
- ↑ "Nushrat Bharucha's song doesn't make the final cut for Marjaavaan"