واہگہ بارڈر خودکش دھماکا 2014ء

واہگہ، بارڈر لاہور پاکستان میں 2 نومبر 2014ء کی شام 05:30 بجے پرچم اتارنے کی تقریب کے بعد ایک خودکش حملہ آور نے دھماکا کیا، جس میں 60۔ افراد ہلاک اور 100 سے زاہد زخمی ہو گئے اس حملے کی ذمہ داری طالبان کے ایک گروہ جماعت الاحرار نے قبول کی ہے۔

واہگہ بارڈر خودکش دھماکا 2014ء
مقام	واہگہ، پنجاب، پاکستان
متناسقات	31°36′16.9″N 74°34′22.5″E
تاریخ	2 نومبر، 2014ء 17.30 (یو ٹی سی+5)
نشانہ	شہری
حملے کی قسم	خودکش
ہلاکتیں	67
زخمی	100 سے زائد
مرتکبین	جماعت احرار
مقصد	آپریشن ضرب عضب کا رد عمل

لاہور

class=notpageimage|

واہگہ باردڑ کا مقام

نقصانات

واقعے میں 60 افراد کے جاں بحق ہونے کی تصدیق کی جا چکی ہے۔ جاں بحق ہونے والوں میں رینجرز کے تین اہلکار ہلاک اور پانچ زخمی ہوئے ہیں جبکہ 10خواتین، 7 بچے بھی شامل ہیں۔ گھرکی اسپتال میں 100 سے زائدزخمی لائے گئے۔ واہگہ بارڈر پر خود کش دھماکے کے بعد لاہور کے اسپتالوں میں ایمرجنسی نافذ کر دی گئی ہے۔

انتباہ

سی آئی ڈی کے سربراہ افتخار احمد نے بی بی سی کو بتایا کہ انھیں لاہور کے کنٹونمنٹ کے علاقے اور رائے ونڈ میں ایسے کسی ممکنہ حملے کی اطلاعات تھیں اور اس کے علاوہ نو دس محرم کے حوالے سے بھی سکیورٹی خدشات موجود تھے لیکن کسی عوامی مقام پر حملے سے متعلق انھیں کوئی پیشگی اطلاعات نہیں تھیں۔ جبکہ ایک سرکاری عہدہ دار کے مطابق واہگہ بارڈر پر ایسے کسی حملہ کی پیشگی اطلاع تھی کہ ایک لا پتہ نوجوان اس کے لیے استعمال کیا جا سکتا ہے۔ اور ان کے مطابق اس خطرے کے بارے میں سنیچر (1 نومبر) کی رات کو رینجرز کو مطلع کر دیا گيا تھا۔

رد عمل

• پاکستان-پاکستانی وزیر اعظم نواز شریف اور وزیر اعلیٰ پنجاب شہباز شریف نے پر زور مذمت کی ہے۔
• بھارت-بھارتی وزیر اعظم نریندر مودی نے اپنے ٹویٹر کھاتہ سے دو ٹویٹ کی ہیں جن میں اس دھماکے کی مذمت کی ہے اور زخمیوں اور ہلاک شدگان کے لیے دعا کی ہے۔
• ریاستہائے متحدہ امریکا دفتر خارجہ نے اس واقعہ پر افسوس کا اظہار کیا ہے۔
• اقوام متحدہ اقوام متحدہ نے واقعہ پر تشویش کا اظہار کیا۔

دیگر

بھارت نے کہا ہے کہ اگلے تین تک پرچم اتارنے کے وقت عوام کو واہگہ نہیں آنے دیا جائے گا، ڈی جی بارڈر فورسز کے مطابق یہ فیصلہ پاکستانی حکام کی درخواست پر کیا گیا ہے۔

مزید دیکھیے

• واہگہ
• واہگہ ریلوے اسٹیشن