ولودومیر زیلینسکی

ولودومیر زیلینسکی
(یوکرینی میں: Володимир Олександрович Зеленський)،(روسی میں: Владимир Александрович Зеленский)
مناصب
صدر یوکرین (6 )
آغاز منصب 20 مئی 2019
پیٹرو پوروشینکو
معلومات شخصیت
پیدائشی نام	(یوکرینی میں: Володимир Олександрович Зеленський)،  (روسی میں: Владимир Александрович Зеленский)
پیدائش	25 جنوری 1978 (41 سال)  کریوئی ریح
شہریت	یوکرین (1991–) سوویت اتحاد (1978–1991)
تعداد اولاد	2
عملی زندگی
پیشہ	منظر نویس،  مفسرِ قانون،  مزاحیہ اداکار،  میزبان،  فلم ساز،  گلو کار،  اداکار،  ٹیلی ویژن میزبان،  ٹی وی پروڈیوسر،  مزاح نگار،  انٹرٹینر،  سیاست دان،  فلم ہدایت کار
مادری زبان	روسی
پیشہ ورانہ زبان	روسی،  انگریزی،  عبرانی،  یوکرینی زبان
شعبۂ عمل	اداکاری،  پیروڈی،  تماش کاری
دستخط
ویب سائٹ
ویب سائٹ	باضابطہ ویب سائٹ،  باضابطہ ویب سائٹ
	IMDB پر صفحہ

ولودومیر اولیکسیندرویچ زیلینسکی ایک یوکرینی سیاست دان، منظر نویس، اداکار، کامیڈین، ہدایت کار اور یوکرین کے منتخب صدر ہیں۔ سیاست میں قدم رکھنے سے قبل انہوں نے قانون کی ڈگری حاصل کی اور ایک کمپنی بنائی جو فلمیں، کارٹون اور ٹی وی کامیڈی شوز بناتی تھی۔

صدر منتخب

وہ یوکرینی مقامی ٹیلی ویژن پر پیش کیے جانے والے طنزیہ ڈرامے ”سروینٹ فار دی پیپل“ میں استاد کا کردار ادا کرتے ہیں جو کرپشن کے خلاف لڑتے ہوئے صدر منتخب ہو جاتا ہے اور ممکنہ طور پر اب انہوں نے اس خیال کو حقیقت کا روپ دے دیا ہے۔ انہوں نے اپنی سیاسی جماعت کا نام بھی وہی رکھا جو ڈرامے میں دیا گیا تھا۔ انہوں نے صدر پیٹرو پوروشینکو کو 73 فیصد ووٹ حاصل کر کے شکست دی ہے۔

مقبولیت

انہوں نے انتخابات کے تمام روایتی اصولوں اور ضابطوں کے برخلاف کوئی جلسے منعقد نہیں کیے اور چند ایک انٹرویو دیے۔ ان کے بظاہر کوئی سیاسی نظریات نہیں ہیں سوائے اس کے کہ وہ یہ کہتے ہیں کہ میں پچھلے صدور سے مختلف انداز میں ملک چلاؤں گا۔ زیلینسکی سوشل میڈیا پر بہت زیادہ فعال ہیں اس لیے نوجوان ووٹرز میں ان کی بہت اپیل ہے۔ اس وقت یوکرین میں یوکرینی اور روسی زبانیں بیک وقت بولنا کافی مشکل سمجھا جاتا ہے کیونکہ یہ ملک علاقائی سیاست کی وجہ سے زبانوں کی سیاست پر تقسیم ہو چکا ہے۔ تاہم ولودومیر دونوں زبانوں میں گفتگو کرتے ہیں جس کی وجہ سے وہ یوکرین کے روسی زبان بولے جانے علاقوں میں کافی مقبول ہیں۔