چھپاکی
چھپاکی، جسے وہیل اور چھتے کے نام سے بھی جانا جاتا ہے، جلد کی خارش کی ایک قسم ہے جس میں جلد پر سرخ، ابھرے ہوئے، خارش والے دھبے ہو جاتے ہیں۔ [1] [2] جن میں چبھن یا جلن بھی ہو سکتی ہے۔ [3] اکثر یہ چھتبے ادھر ادھر ہوتے رہتے ہیں۔ [3] عام طور پر یہ کچھ دن تک رہتے ہیں اور جلد میں دیرپا تبدیلیاں نہیں چھوڑتے ہیں۔ [3] 5فیصد سے کم معاملات چھ ہفتوں سے زیادہ عرصے تک رہتے ہیں۔ [3] یہ حالت اکثر بار بار ہوتی ہے۔ [3]
| چھپاکی | |
|---|---|
| مترادف | جلد پر چھتے، وہیل, پتی اچھلنا[1] |
 | |
| اوپری ٹانگ پر چھتے، نوٹ کریں کہ وہ کس طرح تھوڑا سا اٹھے پوئے ہیں۔ | |
| اختصاص | جلد کے امراض |
| علامات | سرخ، ابھرے ہوئے، کھجلی والے دھبے[2] |
| دورانیہ | چند دن[2] |
| وجوہات | انفیکشن کے بعد، الرجک رد عمل کا نتیجہ[3] |
| خطرہ عنصر | (پولن الرجی)الرجک ناک کی سوزش، دمہ[4] |
| تشخیصی طریقہ | علامات کی بنیاد پر، جلد کے حصے کی جانچ [3] |
| علاج | اینٹی ہسٹامائن، کورٹیکواسٹیرائڈز، لیوکوٹریئن روکنے والے[3] |
| تعدد | ~20فیصد[3] |
چھتے اکثر کسی سوزش کے بعد یا الرجک رد عمل جیسے کہ ادویات، کیڑے کے کاٹنے یا کھانے کے نتیجے میں ہوتے ہیں۔ [3] نفسیاتی تناؤ ، سرد درجہ حرارت، یا ارتعاش بھی ایک محرک ہو سکتا ہے۔ [2] [3] نصف کیسوں میں وجہ نامعلوم ہوتی ہے۔ [3] خطرے کے عوامل میں گھاس بخار (پولن الرجی) یا دمہ شامل ہیں۔ [4] تشخیص عام طور پر ظاہری شکل پر مبنی ہوتی ہے۔ [3] الرجی کا تعین کرنے کے لیے پیچ کی جانچ مفید ہو سکتی ہے۔ [3]
اس عارضہ کی روک تھام میں، کسی بھی ایسی چیز سے بچنا ہے جو اس حالت کا سبب بنتا ہے۔ [3] علاج عام طور پر اینٹی ہسٹامائنز جیسے ڈیفن ہائیڈرمائن اور رینیٹیڈائن سے ہوتا ہے۔ [3] سنگین صورتوں میں، کورٹیکو اسٹیرائڈز یا لیوکوٹریئن انحیبیٹرز بھی استعمال کیے جا سکتے ہیں۔ [3] ماحولیاتی درجہ حرارت کو ٹھنڈا رکھنا بھی مفید ہے۔ [3] ایسے معاملات میں جو چھ ہفتوں سے زیادہ عرصے تک رہیں میں امیونوسوپریسنٹس جیسے سائکلوسپورن استعمال کیے جا سکتے ہیں۔ [3]
اس سے تقریباً 20 فیصد لوگ متاثر ہرتے ہیں۔ [3] مختصر دورانیے کے کیسز مردوں اور عورتوں میں یکساں طور پر پائے جاتے ہیں جبکہ خواتین میں طویل دورانیے کے معاملات زیادہ عام ہیں۔ [5] مختصر دورانیے کے کیسز بچوں میں زیادہ عام ہیں جبکہ درمیانی عمر کے لوگوں میں طویل دورانیے کے کیسز زیادہ عام ہیں۔ [5] چھتے کم از کم ہپوکریٹس کے زمانے سے بیان کیے گئے ہیں۔ [5] urticaria کی اصطلاح لاطینی urtica سے ہے جس کا مطلب ہے "نیٹل" ہے۔ [6]
حوالہ جات
ترمیم- ^ ا ب Oakley, Amanda. "Urticaria (Hives): a complete overview — DermNet". dermnetnz.org (انگریزی میں). Archived from the original on 2022-04-11. Retrieved 2022-04-17.
- ^ ا ب پ ت "Hives"۔ 2016-08-19 کو اصل سے آرکائیو کیا گیا۔ اخذ شدہ بتاریخ 2016-08-10
- ^ ا ب پ ت ٹ ث ج چ ح خ د ڈ ذ ر ڑ ز ژ س ش ص Jafilan، L؛ James، C (دسمبر 2015)۔ "Urticaria and Allergy-Mediated Conditions."۔ Primary Care۔ ج 42 شمارہ 4: 473–83۔ DOI:10.1016/j.pop.2015.08.002۔ PMID:26612369
- ^ ا ب Zuberbier, Torsten; Grattan, Clive; Maurer, Marcus (2010). Urticaria and Angioedema (انگریزی میں). Springer Science & Business Media. p. 38. ISBN:9783540790488. Archived from the original on 2016-08-21.
- ^ ا ب پ Griffiths, Christopher; Barker, Jonathan; Bleiker, Tanya; Chalmers, Robert; Creamer, Daniel (2016). Rook's Textbook of Dermatology, 4 Volume Set (انگریزی میں) (9 ed.). John Wiley & Sons. p. Chapter 42.3. ISBN:9781118441176. Archived from the original on 2021-08-28. Retrieved 2020-05-07.
- ↑ A Dictionary of Entomology (انگریزی میں). CABI. 2011. p. 1430. ISBN:9781845935429. Archived from the original on 2016-08-21.