چینگدو شوانگلیو بین الاقوامی ہوائی اڈا

چینگدو شوانگلیو بین الاقوامی ہوائی اڈا
سادہ چینی	成都双流国际机场
روایتی چینی	成都雙流國際機場
انتساخ
ماندرین
- ہانیو پنین	Chéngdū Shuāngliú Guójì Jīchǎng

چینگدو شوانگلیو بین الاقوامی ہوائی اڈا
Chengdu Shuangliu International Airport
چینگدو شوانگلیو بین الاقوامی ہوائی اڈا; Chengdu Shuangliu International Airport; 成都双流国际机场
	آئی اے ٹی اے: CTU; آئی سی اے او: ZUUU;
خلاصہ
ہوائی اڈے کی قسم	عوامی
عامل	سیچوان صوبہ ہوائی اڈا گروپ کمپنی، لمیٹڈ
خدمت	چینگدو
محل وقوع	شوانگلیو–ووہؤ
مرکز برائے	ائیر چائنہ; چینگدو ایئر لائنز; سیچوائن ائیرلائنز; چائنا ساؤدرن ائیرلائنز; چائنا ایسٹرن ائیرلائنز; تبت ایئرلائنز; لکی ایئر; شنزین ائیرلائنز
بلندی سطح سمندر سے	495 میٹر / 1,624 فٹ
متناسقات	30°34′42″N 103°56′49″E / 30.57833°N 103.94694°E
ویب سائٹ	www.cdairport.com
نقشہs
	; سی اے اے سی ایئر پورٹ چارٹ
	CTU CTU
رن وے
اعداد و شمار (2018)
مسافر	52,950,000
کارگو (ٹن)	611,590
نوائی جہاز نقل و حرکت	319,382
	ماخذ: چین کے مصروف ترین ہوائی اڈوں کی فہرست

چینگدو شوانگلیو بین الاقوامی ہوائی اڈا یا چینگدو شوانگلیو انٹرنیشنل ائیرپورٹ (آئی اے ٹی اے: CTU، آئی سی اے او: ZUUU) (انگریزی: Chengdu Shuangliu International Airport) (چینی: 成都双流国际机场) چین کا اہم بین الاقوامی ہوائی اڈا ہو جو صوبہ سیچوان کے دار الحکومت چینگدو کے لیے بنایا گیا ہے۔ یہ چینگدو شہر کے جنوب مغرب میں 16 کلومیٹر (10 میل) کے فاصلے پر ضلع شوانگلیو کے شمال میں واقع ہے۔ یہ مغربی چین کی ہوا بازی میں کلیدی حیثیت رکھتا ہے۔ یہ ائیر چائنہ کے دو مراکز میں سے ایک ہے جبکہ دوسرا بیجنگ دار الحکومت بین الاقوامی ہوائی اڈا ہے۔ اس کے علاوہ یہ سیچوائن ائیرلائنز، چینگدو ایئر لائنز، چائنا ایسٹرن ائیرلائنز، چائنا ساؤدرن ائیرلائنز، شنزین ائیرلائنز، تبت ایئرلائنز اور لکی ایئر کا بھی مرکز ہے۔

چینگدو ایئر پورٹ پر بہت سے ممالک سے تعلق رکھنے والے غیر ملکیوں کو 144 گھنٹے کے لے ٹرانزٹ ویزا بھی دہا جاتا ہے۔

2015ء میں چینگدو ہوائی اڈے سے 42.2 ملین مسافروں نے سفر کیا۔ یہ 2015ء میں دنیا کا تیسواں سب سے مصروف ترین، چین کا چوتھا مصروف ترین اور مغربی چین کا مصروف ترین ہوائی اڈا تھا۔ ^[1] 2013ء میں یہ کارگو نقل و حمل میں چین کا چوتھا مصروف ترین ہوائی اڈا تھا۔

جائزہ

تاریخ

ہوائی اڈے کا سابقہ نام شوانگویسی ہوائی اڈا تھا۔ اسے 1938ء میں دوسری چین-جاپانی جنگ/دوسری جنگ عظیم کے دوران ایک معاون فوجی ہوائی اڈے کے طور پر کھولا گیا تھا۔ اس وقت یہ صرف چھوٹے ہوائی جہازوں کے لیے بنایا گیا تھا۔ یہاں پر ہی جمہوریہ چین کی فضائیہ کے "پانچویں پرسیو گروپ" کے پولیکارپوف آئی-15 جنگی جہازوں کو رکھا گیا تھا تا کہ جاپانی بمبار حملوں سے علاقے کی حفاظت کی جا سکے۔ ^[2] ^[3]^[4]^[5]^[6]

دوسری جنگ عظیم میں ہوائی اڈے کا نام شوانگلیو ایئر فیلڈ تھا اور بعد میں اسے چین دفاعی مہم (1942ء–1945ء) میں فوجی فضائیہ ریاستہائے متحدہ کی "چودہویں ایئر فورس" نے استعمال کیا۔ ^[7]

12 دسمبر، 1956ء کو شوانگویسی ہوائی اڈے شہری ہوا بازی میں شامل کر دیا گیا۔ جسے بعد میں چینگدو شوانگلیو ہوائی اڈا کے نام سے رسمی طور پر شہری ہوائی اڈا قرار دے دیا گیا اور چین کے کئی شہروں کے لیے پروازیں شروع کیں جن میں بیجنگ، تاییوان، شیان، کونمینگ، گوئیانگ، نانچونگ اور چونگکینگ شامل ہیں۔