غلام علی الانا (ماہر تعلیم)

پروفیسر ڈاکٹر غلام علی الانا سندھ سے تعلق رکھنے والے نامور ادیب، دانشور، پروفیسر امریطس، ادبی نقاد، ماہر لسانیات اور محقق تھے۔ وہ 15 مارچ 1930ء میں گوٹھ تڑ خواجہ، تعلقہ جاتی، ضلع سجاول میں پیدا ہوئے۔ انھوں نے ابتدائی تعلیم، کراچی، میر پور بٹھورو اور ٹنڈو محمد خان میں حاصل کی۔ 1955ء میں جامعہ سندھ سے ایم اے (سندھی) حاصل کی۔ پھر مزید تعلیم کے لیے 1962ء میں انگلستان چلے گئے اور اسکول آف اورینٹل اینڈ افریقن سٹڈیز، یونیورسٹی آف لندن سے ایم اے (لسانیات) کی کی تعلیم مکمل کی۔ پھر 1971ء میں جامعہ سندھ سے پروفیسر ڈاکٹر غلام مصطفیٰ قاسمی کی زیر نگرانی پی ایچ ڈی کی سند حاصل کی۔ 1976ء میں جامعہ سندھ میں شعبہ سندھی میں پروفیسر مقرر ہوئے۔ 6 جنوری 1981ء سے 9 ستمبر 1981ء تک جامعہ سندھ کے آرٹس فیکلٹی کے ڈین مقرر رہے۔ 9 اگست 1983ء سے 4 ستمبر 1989ء تک علامہ اقبال اوپن یونیورسٹی، اسلام آباد کے وائس چانسلر اور پھر 21 جون 1993ء سے 28 جولائی 1995ء تک جامعہ سندھ کے وائس چانسلر رہے۔ 22 جولائی 1998ء سے اگست 2001ء تک سندھی زبان کا با اختیار ادارہ، حیدرآباد کے چیئرمین رہے۔ ڈاکٹر غلام علی الانا 28 نومبر 2020ء کو کراچی کی نجی اسپتال میں وفات پاگئے ۔ انھیں حیدرآباد میں دفن کیا گیا۔

غلام علی الانا (ماہر تعلیم)
معلومات شخصیت
پیدائش	15 مارچ 1930ء   ضلع سجاول ،  بمبئی پریزیڈنسی
وفات	28 نومبر 2020ء (90 سال)  کراچی
مدفن	حیدرآباد
شہریت	پاکستان
عملی زندگی
مادر علمی	جامعہ سندھ اسکول آف اورینٹل اینڈ افریقن اسٹڈیز، یونیورسٹی آف لندن
تعلیمی اسناد	پی ایچ ڈی
استاذ	غلام مصطفی قاسمی
پیشہ	وائس چانسلر ،  افسانہ نگار ،  استاد جامعہ
پیشہ ورانہ زبان	انگریزی ،  سندھی
ملازمت	علامہ اقبال اوپن یونیورسٹی ،  جامعہ سندھ ،  سندھی زبان کا با اختیار ادارہ
اعزازات
ستارۂ امتیاز   (1993)
باب ادب