کوکو مورے

کوکو مورے (ولادت:1928ء، وفات: 30 ستمبر 1981ء) اینگلو انڈین رقاصہ اور اداکارہ تھی۔ اس نے بھارتی سنیما میں اداکاری کی۔

کوکو مورے
معلومات شخصیت
تاریخ پیدائش	1928
تاریخ وفات	30 ستمبر 1981ء (عمر 52–53)
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
عملی زندگی
پیشہ	Actress, dancer
	IMDB پر صفحہ

کو کومورےچالیس اور پچاس کی دہائی میں بالی وڈ میں ایک بہترین رقاصہ گزری ہے۔ اُنکے بدن میں اتنی لچک تھی کہ انہیں ربڑ گرل بھی کہا جاتا تھا۔ اپنی زندگی کو بنداس انداز میں جینے والی کوکو فلموں میں صرف ایک ڈانس کے 6000 روپے لیا کرتی تھیں۔ جو اس زمانے میں بہت بڑی رقم مانی جاتی تھی اور بڑے بڑے اداکار بھی اتنی رقم نہیں لیتے تھے۔ کوکو کی زندگی شان و شوکت سے بھری رہی۔ ان کے پاس تین لگژری گاڑیاں ہوا کرتی تھیں۔ ایک اپنے لیے، ایک دوستوں کے لیے اور ایک صرف کتوں کو گھمانے کے لیے۔ کوکو بہت دوست نواز بھی تھیں۔ اکثر اپنے دوستوں کی دعوت کیا کرتی تھیں۔ مگر پھر ایک ایسا وقت بھی آیا، جب اُنکے پاس دوا خریدنے کو بھی پیسے نہیں تھے اور سارے دوست احباب بھی ساتھ چھوڑ گئے۔ آخری وقت میں وہ کھانے کو بھی محتاج ہو گئی تھیں۔ سبزی والے جو خراب سبزیاں سڑکوں پر پھینک دیتے تھے، وہ اُنہیں اٹھا کر لاتیں اور پکا کر کھاتی تھیں۔ ڈانسر ہیلن کو فلموں میں لانے کا کریڈٹ بھی کوکو کو جاتا ہے۔ ہیلن سے ان کی بہت دوستی تھی۔

کیرئر

کوکو کے کیرئر کی ابتدا 1946ء کی فلم عرب کا ایک ستارہ سے ہوئی۔ اس کے بعد ستم چاندی بنائی۔ ان دو فلموں میں اس کے ناچ کا چرچہ ہونے لگا۔ محبوب خان نے کوکو کی اداکاری کو پہچان لیا اور اپنی فلموں کے ذریعے اس کے کیرئر کو عروج پر ہہونچا دیا۔ انہوں نے اپنی 1948ء کی فلم انوکھی ادا میں کوکو کا رقص پیش کیا اور وہ اپنے زمانہ نے سب سے بہترین رقاصہ بن گئی۔ اس کےبعد انداز، 1949ء فلم میں نرگس دت، دلیپ کمار اور راج کپور کے ساتھ نظر آئی۔ انہوں نے 1952ء کی ٹیکنی کلر فلم آن میں کام کیا۔

وفات

کوکو 30 ستمبر 1981 کو کوکو اس دنیا سے چلی گئی۔ اُنکی موت پر کوئی دو بوند آنسو بہانے والا بھی نہ تھا۔

بیرونی روابط

• انٹرنیٹ مووی ڈیٹابیس (IMDb) پر کوکو مورے
• Full filmography and biography of Cuckoo (in French)