ہسپتال کا پلنگ
ہسپتال کا پلنگ یا ہسپتال کا بستر (انگریزی: Hospital bed) ایک مخصوص طرز پر تیار کردہ پلنگ ہوتا ہے جو زیر علاج مریضوں یا کسی طبی توجہ یا مشورے کے ضرورت مند افراد کے لیے تیار کیا جاتا ہے۔ ان پلنگوں میں مریضوں کی راحت اور خوش حالی کے لیے خاص سہولتیں ہوا کرتی ہیں جو طبی دیکھ ریکھ کے عملے کے لیے بھی معاون ہوتے ہیں۔ ان عام خصوصیات کے تحت پلنگ کے قد و قامت کا حسب ضرورت بڑھایا یا گھٹایا جا سکنا، سر اور پاؤں کے رخ میں رد و بدل کی گنجائش، ہاتھ کی جانب کی گرفت کا آگے پیچھے کیا جانا اور جدید تکنیکوں کی بدولت کچھ جگہوں پر برقی کے بٹنوں کی مدد سے پلنگ اور اطراف کے برقی ساز و سامان کو چلایا جا سکنا، شامل ہیں۔
جدید دور میں ترقی پزیر اور ترقی یافتہ ملکوں میں آبادی کے تناست سے پلنگوں کی دستیابی میں بہت بڑا فرق دیکھا گیا ہے۔ جہاں ترقی یافتہ ملکوں میں یہ تناسب بہت محدود ہے، ترقی پزیر ملکوں میں یہ بہت زیادہ ہے۔ پھر بھی ہر دو ملکوں میں یہ ضرورت بڑھتی ہی رہتی ہے، جیسا کہ ایک اندازہ ہے کہ عالمی ادارہ صحت کے مطابق کورونا وائرس کی وجہ سے ان ممالک میں ہسپتال کے پلنگوں کی یہ ضرورت بڑھ چکی ہے[1]:
| ملکوں | اضافی پلنگوں کی ضرورت |
|---|---|
| ریاستہائے متحدہ امریکا | 16,323 |
| جرمنی | 500,000 |
| فرانس | 7,917 |
| مملکت متحدہ | 127,338 |
| ہسپانیہ | 9,820 |