محمود احمدی نژاد

سابق ایرانی صدر۔ 28 اکتوبر 1956ء کو گامسر کے قریب ایک گاؤں میں ایک لوہار کے گھر پیدا پیدا ہوئے۔ عمر ایک سال کی تھی جب خاندان نے تہران کی طرف نقل مکانی کی۔ انقلاب ایران میں پاسداران سے وابستہ رہے۔ ان پر امریکا سفارت خانے پر حملہ کرنے کا الزام بھی عائد کیا گیا۔

محمود احمدی نژاد
(فارسی میں: محمود احمدی‌نژاد)
مناصب
میئر تہران
برسر عہدہ 20 مئی 2003  – 28 جون 2005
محمد باقر قالیباف
صدر ایران (7  )
برسر عہدہ 3 اگست 2005  – 3 اگست 2013
محمد خاتمی   حسن روحانی
وزیر پیٹرولیم
برسر عہدہ 16 مئی 2011  – 2 جون 2011
ناوابستہ ممالک کی تحریک کا جنرل سیکریٹری (28  )
برسر عہدہ 30 اگست 2012  – 3 اگست 2013
محمد مرسی   حسن روحانی
معلومات شخصیت
پیدائش	28 اکتوبر 1956ء (68 سال)  آرادان
شہریت	ایران
تعداد اولاد	3
عملی زندگی
مادر علمی	جامعہ علم و صنعت ایران (1975–)
تخصص تعلیم	مدنی ہندسیات
تعلیمی اسناد	بیچلر آف انجینئرنگ
پیشہ	استاد جامعہ ،  سیاست دان ،  انجینئر
مادری زبان	فارسی
ملازمت	جامعہ علم و صنعت ایران
اعزازات
آرڈر آف دی لبرٹور (ستمبر 2006)  آرڈر آف اگسٹو سیزر سنڈینو
دستخط
	IMDB پر صفحات

تہران کی شہرداری

2003ء میں تہران کے شہردار بنے۔ میئر کی نامزدگی سے پہلے بہت کم لوگ ان کے نام سے واقف تھے۔ جب تہران کا میئر نامزد کیا گیا تو انھوں نے اپنے پیشرو اصلاح پسند میئر کی طرف سے کی جانے والی بہت سے تبدیلیوں کو ختم کر دیا۔ محمود احمدی نژاد نے شہر میں مغربی طرز کے ’فاسٹ فوڈ‘ ریستوران ختم کر دیے اور بلدیہ کے مرد ملازمین کے لیے لمبے بازوؤں والی قمیضیں پہننے اور داڑھیاں رکھنے کے احکامات جاری کیے۔ ایران کے اصلاح پسند صدر محمد خاتمی نے احمدی نژاد کے کابینہ کے اجلاسوں میں شرکت کرنے پر پابندی لگا دی تھی۔ عام حالات میں شہر کا میئر کابینہ کے اجلاسوں میں شرکت کرتا تھا۔

احمدی نژاد نے ایک اشتہاری مہم پر بھی پابندی لگا دی جس میں فٹ بال کے برطانوی کھلاڑی ڈیوڈ بیکہم کو دکھایا گیا تھا۔ انیس سو اناسی کے اسلامی انقلاب کے بعد ایران میں کسی بھی اشتہاری مہم میں مغرب سے تعلق رکھنے والی کسی شخصیت کو نہیں دکھایا جا سکتا۔

محمود احمدی نژاد دار الحکومت تہران کے میئر ہونے کے باوجود ایک چھوٹے سے فلیٹ میں رہتے رہے اور میئر کی سرکاری رہائش گاہ استعمال نہیں کی۔ انھوں نے سرکاری گاڑی بھی استعمال نہیں کی۔

صدارتی انتخاب

جب انھوں نے 2005ء میں صدارت کا انتخاب لڑنے کا اعلان کیا تب بھی وہ ایران کی قومی سیاست میں کوئی جانا مانا نام نہیں تھے۔ لیکن صدارتی انتخاب کے پہلے مرحلے کی ووٹنگ میں انھوں نے سابق صدر ہاشمی رفسنجانی کے بعد سب سے زیادہ ووٹ لے کر مبصرین کو حیران کر دیا اور یوں دوسرے مرحلے میں وہ ہاشمی رفسنجانی کے مدمقابل آ کھڑے ہوئے۔ صدارتی انتخابات کے پہلے مرحلے کی ووٹنگ میں کوئی امیدوار مقررہ پچاس فیصد ووٹ لینے میں ناکام رہا تھا جس کے بعد پہلے دو امیدواروں کے درمیان میں دوبارہ ووٹنگ ہوئی۔

انتخابات کے دوسرے مرحلے میں احمدی نژاد نے باسٹھ فیصد جب کے ان کے مد مقابل سابق صدر ہاشمی رفسنجانی نے چھتیس فیصد ووٹ حاصل کیے۔ انتخابات جیتنے کے بعد محمود احمدی نژاد نے انقلابِ ایران کی اسلامی اقدار اور ایران کو تیل سے حاصل ہونے والی دولت کی منصفانہ تقسیم پر زور دیا۔

ایران کے غریب صوبوں میں احمدی نژاد کے حق میں بھاری تعداد میں ووٹ ڈالے گئے ہیں۔ احمدی نژاد نے ایران کے پسے ہوئے اور معاشی طور پر پسماندہ طبقوں کی معاشی ترقی کے لیے اقدامات کرنے کا وعدہ کیا تھا۔ انتخابی مہم کے دوران میں انھوں نے ملک سے بدعنوانیوں اور کرپشن کو ختم کرنے اور زوال پزیر مغربیت سے بھی نجات دلانے کے وعدے کیے تاہم ان کے مدمقابل ہاشمی رفسنجانی اصلاحات اور مغربی ممالک اور امریکا سے تعلقات بہتر کرنے کی بات کرتے رہے۔

صدر بننے کے بعد امریکی مخالفت کا شدت سے سامنا کرنا پڑا۔ دوسری طرف ایٹمی پروگرام پر بھی عالمی اعتراض کی وجہ سے مسلسل ان پر دباؤ بڑھتا رہا۔ لیکن ان حالات میں بھی انھوں نے حالات کا مقابلہ کیا۔ اسرائیل کے خلاف ان کے بیانات نے کئی دفعہ عالمی سطح پر متنازع حیثیت حاصل کی۔ احمدی نژاد امریکی اور مغربی دنیا میں جتنے غیر مقبول ہیں اتنے ہی اپنے عوام میں وہ ہردلعزیز رہے ہیں۔ کیونکہ ان کا انتخاب ہی امریکا دشمنی کی وجہ سے کیا گیا تھا۔

دوبارہ انتخاب

12 جون 2009 میں ہونے والے انتخابات میں احمد نژاد نے واضح اکثریت حاصل کی اور دوسری مرتبہ ایران کے صدر منتخب ہوئے۔ ان کی کامیابی میں نچلے اور غریب طبقے کے عوام نے کافی اہم کردار ادا کیا۔ ان کے مخالف امیدوار موسوی نے ان پر دھاھندلی کے بھی الزامات لگائے۔

بیرونی روابط

• صدر احمدی نژاد کا مغربی میڈیا کو انٹرویو یوٹیوب پر