سوویت-افغان جنگ

افغانستان میں لڑی جانے والی سوویت یا روسی لڑائی 9 سال تک لڑی گئی۔ اس کا آغاز دسمبر 1979ء میں ہوا جبکہ اس کا اختتام فروری 1989ء میں ہوا۔ اس لڑائی میں ایک طرف تو افغان فوج کے نام پر روسی فوج لڑ رہی تھی تو دوسری طرف ساری دنیا کے مجاہدین روس کے خلاف بر سر پیکار تھے۔ امریکا اور روس کے درمیان سرد جنگ کی وجہ سے امریکا اس جنگ میں کھل کر نہیں کود سکتا تھا مگر امریکی سی آئی اے اور پاکستانی آئی ایس آئی نے کھل کر مجاہدین کی تربیت اور ہر طرح سے معاونت کی۔ اربوں ڈالر کا سرمایہ برطانیہ، امریکا، سعودی عرب ،پاکستان اور دوسرے ممالک نے روس کے خلاف مجاہدین کو دیا۔ پاکستان نے بھی اس جنگ میں حصہ لیا اور پاکستان نے ہزاروں مجاہدین روس کیخلاف لڑنے گئے ۔

افغانستان میں سوویت اتحاد کی جنگ
سلسلہ افغان جنگ اور سرد جنگ
1987 میں مجاہدین افغانی کنڑ صوبہ میں
تاریخ دسمبر 24, 1979 – فروری15, 1989 () مقام افغانستان نتیجہ فوجی تعطل جنیوا معاہدہ 1988 سوویت افواج کو افغانستان سے نکالا گیا Afghan Civil War continues
مُحارِب
سوویت اتحاد جمہوری جمہوریہ افغانستان	Jamiat-e Islami Shura-e Nazar Gulbuddin faction مکتب الخدمات Khalis faction Ittehad i-Islami IRM NLF NIFA امدادی ساتھی پاکستان ریاستہائے متحدہ مملکت متحدہ چین سعودی عرب

افغانستان کے صوبے کنڑ میں مجاہد جنگجو۔ 1987 کی ایک تصویر

پس منظر

1885ء میں  روسی افواج نے آمو دریا کے جنوب میں واقع متنازع نخلستان پنج دہ کا قبضہ بزورِ طاقت  افغان فوج سے  حاصل کر لیا۔  پنج دہ واقعے کے بعد 1885-87 میں انگریزی، روسی اورافغان نمائندگان پر مبنی ایک مشترکہ  سرحدی  کمیشن نے اتفاق رائے سے افغانستان اور روس کے مابین سرحد کا تعین کیا۔ افغان علاقے میں روس کی اثر و رسوخ سوویت دور میں میں جاری رہا۔ 1955 سے 1978 کے دوران سوویت یونین کی جانب سے افغانستان کو اربوں روپے کی معاشی اور فوجی معاونت فراہم کی گئی۔

1978 ء کے ثور انقلاب کے بعد 27اپریل  1978 میں عوامی جمہوریہ افغانستان کا قیام عمل میں لایا گیا۔ انقلابی حکومت نے افغانستان میں ایک غریب دوست  اور   کسان دوست  سوشلسٹ معاشی ایجنڈا متعارف کرایا۔  اس حکومت کے  سوویت یونین کے ساتھ قریبی روابط تھے۔  5 دسمبر 1978 کو سوویت یونین اور افغانستان کے درمیان دوستی کے ایک معاہدے پر دستخط کیے گئے۔

سوشلزم کے بڑھتے ہوئے قدموں سے امریکی سامراج کو خطرہ تھا۔ سی آئی اے کی تاریخ کا سب سے مہنگا ترین آپریشن سائیکلون شروع کر کے دہشت گردوں کی تربیت کی گئی ۔ پاکستان کی جرنیل شاہی امریکی ڈالر لے کر دہشت گردوں کو تیار کرنے میں معاون کا کردار ادا کرتی رہی۔ جولائی میں آپریشن سائیکلون کا آغاز کیا گیا اور دہشت گردی کا آغاز کیا گیا، جس کا جواب دینے کے لیے دسمبر میں افغان حکومت کی دعوت پر روس کو مداخلت کرنا پڑی ۔ امریکی صدر ٹرمپ نے ایک حالیہ بیان جاری کیا ہے جس میں ان کا موقف ہے کہ افغانستان میں روس کی مداخلت درست تھی کیوں کہ دہشت گرد یو ایس ایس آر کی سرحدوں کو عبور کر رہے تھے۔

بین الاقوامی رد عمل

اسلامی دنیا کا رد عمل

دنیا کے بیشتر ممالک نے سوویت اتحاد کی افغانستان پر دھاوا بولنے کی مخالفت کی۔ خاص کر تمام اسلامی ممالک نے اس کی سخت مخالفت کی اور 34 اسلامی ممالک نے باقاعدہ قراردادے پاس کیے اور سوویت اتحاد کی ایک اسلامی ملک (افغانستان) پر یلغار کی مخالفت کی اس کے ساتھ ساتھ اسلامی ممالک نے مطالبہ بھی کیا کہ سوویت اتحاد جلد از جلد افغانستان سے افواج واپس نکالے۔ اس علاوہ جب تک سوویت اتحادی کی افواج افغانستان میں رہے ان کی خلاف لڑنے کے لیے بیشتر اسلامی ممالک نے افغان مجاہدین کی امداد کی۔

واقعات

• سوویت اتحاد کا شکست اور افغانستان سے سوویتی افواج کا اخراج

نگار خانہ

• 
• 
• 
• 

مزید دیکھیے

• وسطی ایشیاء پر روسی غلبہ
• جنگ ویت نام
• سرد جنگ
• ترمذ