المجریطی

عرب ریاضی دان

المجریطی کا نام ابو القاسم مسلمہ بن احمد ہے، اندلس کے شہر مجریط (میدرد، موجودہ اسپین) میں 340 ہجری کو پیدا ہوئے اور اسی سے منسوب ہوکر “المجریطی” کہلائے، ریاضی دان تھے اور اندلس میں ریاضی دانوں کے امام کہلاتے تھے، علمِ فلک پر بھی ان کے مواقف اور آراء ہیں، کیمیا اور دیگر علوم پر بھی دسترس رکھتے تھے۔

ابو القاسم مسلمہ بن احمد المجریطی
معلومات شخصیت
پیدائش 339ھ/ 950ء
میدرد، اندلس، موجودہ اسپین
وفات 397ھ/ 1007ء
(عمر: 57 سال شمسی، 58 سال قمری)
قرطبہ، خلافت قرطبہ، موجودہ اسپین
رہائش قرطبہ، خلافت قرطبہ، موجودہ اسپین
شہریت خلافت قرطبہ  ویکی ڈیٹا پر (P27) کی خاصیت میں تبدیلی کریں
نسل اندلسی
عملی زندگی
تلمیذ خاص ابن السمح  ویکی ڈیٹا پر (P802) کی خاصیت میں تبدیلی کریں
پیشہ ماہر فلکیات، ریاضی دان، کیمیا دان، عالم، ماہر اقتصادیات
مادری زبان عربی  ویکی ڈیٹا پر (P103) کی خاصیت میں تبدیلی کریں
پیشہ ورانہ زبان عربی[1]  ویکی ڈیٹا پر (P1412) کی خاصیت میں تبدیلی کریں

انھوں نے ریاضی، حساب، ہندسہ اور کیمیا پر بیش قیمت علمی تصانیف چھوڑی ہیں جن میں کچھ اہم یہ ہیں : کیمیا میں “رتبہ الحکم”، کیمیا میں ہی “غایہ الحکیم”، یہ کتابین لاطینی زبان میں ترجمہ ہو چکی ہیں۔

انھوں نے خوارزمی کے زیچ میں اضافے کیے، ان کا آلاتِ رصد اور اسطرلاب پر ایک مقالہ بھی قابلِ ذکر ہے، اس کے علاوہ انھوں نے قدیم قوموں کی تاریخ پر بھی دلچسبی لی، آخر میں یہ بتاتے چلیں کہ مجریطی ایک ایسے علمی مدرسہ کے بانی تھے جس کی فکر اور رائے سے بعد کے بہت سارے سائنس دان متاثر ہوئے جیسے مشہور اندلسی طبیب الزہراوی، الغرناطی، الکرمانی اور ابن خلدون جنھوں نے مجریطی کی بہت ساری آراء اپنے مقدمہ میں نقل کی ہیں۔

57 سال کی عمر میں ان کی وفات 397 ہجری کو ہوئی۔

حوالہ جات ترمیم

  1. http://data.bnf.fr/ark:/12148/cb12133849h — اخذ شدہ بتاریخ: 10 اکتوبر 2015 — مصنف: فرانس کا قومی کتب خانہ — اجازت نامہ: آزاد اجازت نامہ