امتیاز علی عرشی

امتیاز علی عرشی (پیدائش: 8 دسمبر 1904ء — وفات: 25 فروری 1981ء) ماہر غالبیات، محقق، مصنف اور مہتمم کتب خانہ رام پور تھے۔

امتیاز علی عرشی
(عربی میں: عرشي، امتياز علي،)
معلومات شخصیت
پیدائش	8 دسمبر 1904ء   رام پور
تاریخ وفات	25 فروری 1981ء (77 سال)
شہریت	بھارت (26 جنوری 1950–) ڈومنین بھارت
عملی زندگی
مادر علمی	پنجاب یونیورسٹی
پیشہ	مہتمم کتب خانہ ،  مصنف
پیشہ ورانہ زبان	اردو
ملازمت	رضا لائبریری، رام پور
اعزازات
ساہتیہ اکادمی ایوارڈ   (برائے:Diwan-i-Ghalib ) (1961)

سوانح

امتیاز علی عرشی 8 دسمبر 1904ء کو رام پور میں پیدا ہوئے۔ ان کے آبا و اجداد حاجی خلیل قبائل (سوات) کے سردار تھے۔ جب ہجرت کرکے ہندوستان آئے تو رامپور کے آس پاس کے علاقوں پر قابض ہو گئے جو بعد میں نواب فیض اللہ خان کو سونپ دیے۔ مولانا ارشد کے والد وٹنری ڈاکٹر تھے جو ریاست رام پور کے ہسپتال کے انچارج تھے۔

امتیاز علی عرشی کی شادی 1933ء میں ہاجرہ بیگم سے ہوئی۔ ان سے سات بیٹے اور دو بیٹیاں پیدا ہوئیں۔ امتیاز کی عمر ایک سال چھ ماہ کی تھی کہ ان کی والدہ کی وفات ہو گئی اور ان کی پرورش ان کی سوتیلی والدہ نے کی۔ امتیاز علی خان عرشی نے پانچ سال کی عمر میں حصولِ تعلیم کا آغاز کیا جو 1924ء تک جاری رہا۔ تعلیم حاصل کرنے کے بعد طرح طرح کی ملازمتیں کی۔آخر سب سے سبکدوش ہوکر رامپور کے ایک عظیم ادارے رضا لائبریری سے وابستہ رہے جہاں نادر و نایاب کتابوں کا ایک ذخیرہ اب بھی موجود ہے۔ اسی ذخیرے سے وہ خود فیض یاب ہوئے اور علمی دنیا کو اس سے فیض پہنچایا۔ ان کا اصل میدان عربی ادب تھا لیکن اردو میں بھی ان کے کارنامہ نہایت اہم ہیں۔

وفات

مولانا عرشی 25 فروری 1981ء کو 76 سال 2 ماہ 17 دن کی عمر پا کر رام پور میں انتقال کرگئے۔