انورعلی چیمہ
چوہدری انور علی چیمہ (یکم جنوری 1935 – 31 جولائی 2016ء) ، ایک پاکستانی سیاست دان تھے۔
| انورعلی چیمہ | |
|---|---|
| معلومات شخصیت | |
| پیدائش | 1 جنوری 1935ء سرگودھا |
| وفات | 31 جولائی 2016ء (81 سال) لاہور |
| شہریت |  پاکستان  برطانوی ہند |
| جماعت | پاکستان مسلم لیگ ق |
| عملی زندگی | |
| پیشہ | سیاست دان |
| مادری زبان | اردو |
| پیشہ ورانہ زبان | اردو |
درستی - ترمیم  | |
سیاسی کیریئر ترمیم
وہ یکم جنوری 1935ء کو سرگودھا ، پنجاب، برطانوی ہندوستان میں پیدا ہوئے اور گورنمنٹ کالج، لاہور سے گریجویشن کی، جسے اب گورنمنٹ کالج یونیورسٹی، لاہور کہا جاتا ہے۔ [1] وہ 1961ء میں نائب تحصیلدار کے طور پر بھرتی ہوئے لیکن انھوں نے 1974ء میں استعفیٰ دے دیا اور بعد ازاں ضلع کونسل کے ارکان کا الیکشن لڑ کر اپنی سیاسی زندگی کا آغاز کیا جہاں وہ 1987ء تک وائس چیئرمین اور چیئرمین رہے۔ انور علی چیمہ نے چیئرمین ضلع کونسل سرگودھا کا عہدہ سنبھالا۔ انھوں نے 1985ء سے 2013ء کے درمیان مسلسل سات بار پاکستان کی قومی اسمبلی کا انتخاب جیتا جو ایک منفرد اعزاز ہے۔ انھوں نے پاکستان مسلم لیگ (ق) پارٹی کی نمائندگی کی۔ [1] چیمہ چند روز وفاقی وزیر صحت کے عہدے پر فائز رہے اور پھر انھیں وفاقی وزیر پیداوار بنا دیا گیا۔ [2]
چیمہ 1985ء سے 2013ء تک مسلسل سات مرتبہ این اے 67 (اب این اے 91) سے ایم این اے رہے ہیں [2] وہ وزیر اعظم نواز شریف کے ساتھی کے طور پر جانے جاتے تھے لیکن علیحدگی اختیار کر کے مسلم لیگ (ق) میں شامل ہو گئے جب چوہدری شجاعت حسین اور چوہدری پرویز الٰہی نے سابق صدر ریٹائرڈ جنرل پرویز مشرف کی آشیر باد سے پارٹی بنائی۔ ان کے بیٹے کے سسر چوہدری تجمل عباس ہیں، جو چوہدری شجاعت حسین کے کزن ہیں، جس کی وجہ سے انھوں نے مسلم لیگ ن سے وفاداریاں تبدیل کر لیں۔ چیمہ کا ایک بیٹا اور ایک بیٹی ہے۔ ان کے بیٹے چوہدری عامر سلطان چیمہ ، [2] سابق صوبائی وزیر آبپاشی اور لائیو سٹاک ہیں۔ وہ چھ مرتبہ رکن صوبائی اسمبلی منتخب ہو چکے ہیں۔ چیمہ کی بہو تنزیلہ عامر چیمہ دو بار ایم این اے منتخب ہو چکی ہیں اور چیئرمین ضلع کونسل سرگودھا کا عہدہ بھی رکھتی ہیں۔ ان کا تعلق گجرات کے چوہدری خاندان سے ہے۔ سردار عارف نکئی ، سابق وزیر اعلیٰٰ پنجاب، جو انور علی چیمہ کے بہنوئی تھے۔
موت ترمیم
انور علی چیمہ 31 جولائی 2016ء کو لاہور ، پاکستان میں طویل علالت کے بعد انتقال کر گئے۔ [2]
حوالہ جات ترمیم
- ^ ا ب "Profile of Anwar Ali Cheema"۔ Pakistan Elections 2007 - 2008 website۔ 22 نومبر 2010 میں اصل سے آرکائیو شدہ۔ اخذ شدہ بتاریخ 19 جولائی 2021
- ^ ا ب پ ت Anwar Cheema dies The Nation (newspaper), Published 1 August 2016, Retrieved 19 July 2021