بابولال گور

بابولال گور یادو بھارتی سیاست دان اور بھاجپا کے رہنما تھے جو 23 اگست 2004ء سے 29 نومبر 2005ء تک مدھیہ پردیش کے وزیر اعلیٰ رہے اور اپنی روایتی گووندپورا اسمبلی نشست سے 10 مرتبہ انتخاب جیتے تھے۔

بابولال گور
مناصب
وزیر اعلیٰ مدھیہ پردیش (16  )
برسر عہدہ 23 اگست 2004  – 29 نومبر 2005
اوما بھارتی   شیوراج سنگھ چوہان
معلومات شخصیت
پیدائش	2 جون 1930ء   پرتاپ گڑھ ضلع، اترپردیش
وفات	21 اگست 2019ء (89 سال)  بھوپال
وجہ وفات	دورۂ قلب
طرز وفات	طبعی موت
شہریت	بھارت (26 جنوری 1950–) ڈومنین بھارت
جماعت	بھارتیہ جنتا پارٹی
تعداد اولاد
عملی زندگی
مادر علمی	جامعہ وکرم
پیشہ	سیاست دان
پیشہ ورانہ زبان	ہندی

سوانح

بابولال کا جنم 2 جون 1930ء کو اتر پردیش کے پرتاپ گڑھ ضلع میں ہوا تھا۔ بابولال گور نے بھوپال کی پٹھا مل میں مزدوری کرتے ہوئے اپنی پڑھائی پوری کی۔ بھیل میں نوکری کرنے کے دوران وہ کئی مزدور تحریکوں سے جڑے۔ وہ ہندوستانی مزدور یونین کے بانی رکن بھی رہے۔ اسکول کے ایام سے ہی بابولال گور سنگھ کی شاخا جایا کرتے تھے۔ بابولال نے 1974ء میں بھوپال کی گووندپورا نشست سے آزاد امیدوار کے طور پر انتخاب جیتا اور یہیں سے ان کے سیاسی سفر کی شروعات ہوئی۔ 1974ء کے بعد سے وہ لگاتار یہاں سے انتخاب جیتتے رہے۔ وہ مارچ 1990ء سے 1992ء تک مدھیہ پردیش حکومت میں قانون اور قانون سازی کے امور، پارلیمانی امور، عوامی رابطہ، شہری فلاح و بہبود، شہری رہائش اور بازآبادکاری اور بھوپال گیس ٹریجڈی ریلیف کے وزیر رہے۔ 21 اگست 2019ء بروز بدھ کو 89 برس کی عمر میں دل کا دورہ پڑنے سے انتقال کر گئے۔