بدعت (اصطلاح حدیث)

طعن کا لفظی معنی ہے نیزہ مارنا۔ راوی میں طعن کا مطلب ہے کہ راوی کی عدالت و ثقاہت میں کلام کیا اور کسی وجہ سے راوی کی عدالت کو مجروح قرار دیا جائے۔ ان طعن کے اسباب میں سے ایک سبب بدعت ہے۔ لغت میں بدعت کے معانی ہیں کوئی نئی چیز ایجادکرنا۔ اصطلاح میں بدعت کا اطلاق ایسے قول و فعل پر ہوتا ہے جس کا قائل اور کرنے والا رسول اللہ کے نقش قدم پر نہ چلتا ہو اور شریعت کی سابق مثالوں اور اس کے محکم اصولوں پر نہ گامزن ہوتا ہو۔ بدعت کی دو اقسام ہیں۔

• ایسی بدعت جو باعث کفر ہو۔
• ایسی بدعت جو باعث فسق ہو۔

جو راوی باعث فسق ہو اس کی دو شرطوں کے ساتھ روایت قبول کی جاتی ہے۔

• راوی اپنی بدعت کی طرف داعی نہ ہو۔
• اپنی بدعت کی تائید اور اس کو رواج کے لیے روایت نہ کرے۔