تحریک لبیک پاکستان
تحریکِ لبیک پاکستان (ٹی ایل پی) ایک پاکستانی مذہبی سیاسی جماعت ہے، جو تحریک لبیک یا رسول اللہ نامی جماعت کے سربراہ خادم حسین رضوی کی زیر قیادت قائم ہوئی۔ یہ تنظیم 26 جولائی 2017ء کو الیکشن کمیشن پاکستان میں رجسٹر ہوئی[1] اور اس تنظیم کو کرین کا انتخابی نشان دیا گیا۔[2] موجود امیر جانشین سعد حسین رضوی ہیں، جن پر مقدمات قائم کر کے انھیں جیل بھیج دیا گیا تھا۔
 | |
| مخفف | ٹی ایل پی |
| صدر | سعد حسین رضوی |
| تاسیس | 1 اگست 2015 |
| نظریات | اسلامیت اسلام پاکستان اور عوام (نظریہ پاکستان کا دفاع) |
| سیاسی حیثیت | انتہائی بائیں بازو |
| مذہب | اہل سنت (خصوصاً بریلوی مکتب فکر) |
| پنجاب اسمبلی | 3 / 168
|
| انتخابی نشان | |
کرین | |
| ویب سائٹ | |
| tlyp | |
بنیاد
اس تحریک کی بنیاد کا سبب 29 فروری 2016ء کو حکومت پاکستان کی طرف سے سابق گورنر پنجاب سلمان تاثیر کو قتل کرنے والے ممتاز قادری کو دی جانے والی پھانسی کی سزا کے بعد اگلے دن یکم مارچ کو لیاقت باغ، راولپنڈی میں ہونے والی نماز جنازہ میں کثیر عوامی اجتماع بنا۔[3] پھانسی کی خبر عام ہونے کے بعد ملک کے مختلف علاقوں میں احتجاج کیا گیا، جب کہ شہر میں دفعہ 144 نافذ کر کے نقض امن کے ڈر کی وجہ سے جلسے اور جلوسوں کے انعقاد پر حکومت نے فوری پابندی لگا دی تھی۔[حوالہ درکار]
ضمنی انتخابات 2017ء
- نواز شریف کی نااہلی پر خالی ہونے والی حلقہ این اے۔120 کی نشست پر ہونے والے ضمنی انتخابات 17 ستمبر 2017ء میں پہلی بار انتخاب لڑا اور تیسری پوزیشن لی۔[4]
- گلزار خان کی وفات پر خالی ہونے والی حلقہ این اے۔4 کی نشست پر ہونے والے ضمنی انتخابات 2017ء میں پانچویں پوزیشن حاصل کی۔[5]
ضمنی انتخابات 2018ء
جہانگیر ترین کی نااہلی پر خالی ہونے والی حلقہ این اے۔154 کی نشست پر ہونے والے ضمنی انتخابات 12 فروری 2018ء میں تیسری پوزیشن حاصل کی۔[6][7]
تنازعات
تفصیلی مضمون کے لیے تحریک لبیک احتجاج، 2017ء ملاحظہ کریں۔تحریک لبیک پاکستان نے آئینی ترمیم الیکشن بل 2017 میں حلف نامہ کے الفاظ کو بدلنے کے خلاف احتجاج کیا، جس کے خلاف حکومت نے بڑے پیمانے پر گرفتاریاں عمل میں لائیں۔ اس دوران میں تحریک کے آٹھ افراد قتل اور 200 سے زائد زخمی ہوئے۔
حوالہ جات
- ↑ https://ecp.gov.یpk/P1.pdf[مردہ ربط]
- ↑ "تحریک لبیک پاکستان کا قیام"۔ 25 دسمبر 2018 میں اصل سے آرکائیو شدہ۔ اخذ شدہ بتاریخ 9 نومبر 2017
- ↑ دی گارجین
- ↑ "Outstanding Performance by TLP in NA-120 Third Position"۔ 14 اپریل 2021 میں اصل سے آرکائیو شدہ۔ اخذ شدہ بتاریخ 15 نومبر 2017
- ↑ https://www.politicpk.com/na-4-by-election-result-2017-live-update/
- ↑ "NA-154 Lodhran-I By-Election 12 فروری 2018 results | Mera Watan"۔ 16 فروری 2018 میں اصل سے آرکائیو شدہ۔ اخذ شدہ بتاریخ 25 فروری 2018
- ↑ https://www.politicpk.com/official-result-na-154-lodhran-election-dated-12-02-2018/