حیدر علییف

وسط ایشیا کی ریاست آذربائیجان کے سابق صدر۔ سابق جنرل حیدر علیوف ’بابا‘ کے نام سے جانے تھے۔ وہ تین دہائیوں تک آذربائیجان کی قیادت کرتے رہے۔ انھوں نے 1969 میں سوویت آذربائیجان میں کمیونسٹ پارٹی کے فرسٹ سیکریٹری کی حیثیت سے اپنا پہلا عہدہ سنبھالا۔

حیدر علییف
(آذربائیجانی میں: Heydər Əlirza oğlu Əliyev)
مناصب
صدر آذربائیجان (3  )
برسر عہدہ 3 اکتوبر 1993  – 12 دسمبر 2003
وزیر اعظم	آرتھر رضا زادہ اور الہام علیوف
الہام علیوف
معلومات شخصیت
پیدائش	10 مئی 1923ء   ناخچیوان
وفات	12 دسمبر 2003ء (80 سال)  کلیولینڈ
وجہ وفات	عَجزِ قلب
مدفن	الے آف ہانر
طرز وفات	طبعی موت
شہریت	سوویت اتحاد (1923–1991) آذربائیجان (1991–2003)
جماعت	اشتمالی جماعت سوویت اتحاد (1945–19 جولا‎ئی 1991) نیو آذربائیجان پارٹی (21 نومبر 1992–12 دسمبر 2003)
زوجہ	ظریفہ علیوفہ (8 نومبر 1954–15 اپریل 1985)
اولاد	الہام علیوف ،  سیول علیوفہ
تعداد اولاد	2
عملی زندگی
مادر علمی	باکو اسٹیٹ یونیورسٹی (1951–1967)
پیشہ	انٹیلی جنس افسر ،  سیاست دان
مادری زبان	آذربائیجانی
پیشہ ورانہ زبان	آذربائیجانی ،  روسی
عسکری خدمات
وفاداری	سوویت اتحاد
عہدہ	کرنل (1965–) میجر جنرل (1967–)
لڑائیاں اور جنگیں	مشرقی محاذ (روسی جنگ عظیم) ،  پہلی کاراباخ جنگ
اعزازات
آرڈر آف سینٹ اینڈریو (2003)  گرینڈ کراس آف دی لیگون آف ہانر (2003)  آرڈر آف جارج دمتروف (1983)  آرڈر آف لینن   (1983) ہیرو آف سوشلسٹ لیبر (1983)  اعزاز اکتوبر انقلاب (1982) ہیرو آف سوشلسٹ لیبر (1979)  آرڈر آف لینن   (1979)  آرڈر آف لینن   (1976)  آرڈر آف لینن   (1973)  آرڈر آف لینن   (1971)  آرڈر آف ریڈ اسٹار (1962)
دستخط
ویب سائٹ
ویب سائٹ	باضابطہ ویب سائٹ

1982 میں وہ ماسکو کی سویت پولِتبورو میں پہلے مسلمان تھے۔ لیکن انھیں 1987 میں میخائیل گورباچوف کے پیرسٹرائیکا کی تحریک میں پولِتبورو سے باہر نکال دیا گیا۔

حیدر علیوف 1993 میں باکو میں فاتحانہ طور پر سیاست میں واپس آئے، ملک کی باگ ڈور سنبھالی اور خانہ جنگی رکوانے میں اہم کردار ادا کیا۔ انھیں ہمسایہ ملک آرمینیا کے ساتھ نگورنو کاراباخ کے مسئلے پر ہونے والی جنگ کے خاتمے میں اہم کردار ادا کرنے کے لیے بھی یاد کیا جاتا ہے۔

اس کے بعد انھوں نے دس سال تک ملک کا انتظام سنبھالا اور غیر ملکی سرمایہ کاری کو فروغ دیا۔ انھوں نے دو مرتبہ صدارتی انتخاب جیتا جنہیں غیر ملکی مبصرین نے کبھی شفاف قرار نہیں دیا۔

ایک مرتبہ وہ سرِ عام میں لڑکھڑا کر گر گئے اور بعد میں امریکا میں ہسپتال میں داخلے کرا دیے گئے۔ اس کے بعد انھوں نے اکتوبر میں یہ اعلان کیا کہ وہ اپنے بیٹے الہام علیوف کے حق میں دستبردار ہو رہے ہیں جسے انھوں نے پہلے ہی وزیرِ اعظم نامزد کیا ہوا تھا۔

اگرچہ عام طور پر وہ مقبول رہنما تھے لیکن ان پر نکتہ چینی بھی کی جاتی ہے کہ وہ لمبے عرصے تک اقتدار پر قابض رہے جس سے ملک میں جمہوریت کو پھلنے پھولنے کا موقع نہیں ملا۔گردے کی تکلیف کی وجہ سے امریکا کے ہسپتال میں ان کا انتقال ہوا۔