"جہانگیر کرامت" کے نسخوں کے درمیان فرق

سنہ 1971 کی جنگ میں جہانگیر کرامت [[شکر گڑھ]] محاذ پر رہے۔ دورانِ ملازمت [[بین الاقوامی]] تعلقات اور وار سٹڈیز میں ڈگریاں حاصل کیں۔ نیشنل ڈیفنس یونیورسٹی میں سٹرٹیجک سٹڈیز اور وار کالج میں ملٹری سائنس پڑھاتے رہے۔ 80 کی دہائی میں [[سعودی عرب]] میں فوجی مشیر بھی رہے۔

کہا جاتا ہے کہ ممکنہ برطرفی کی سن گن ملتے ہی جنرل جہانگیر کرامت نے مبینہ طور پر سپیکر قومی اسمبلی [[یوسف رضا گیلانی]] کے ذریعے صدر اور وزیرِ اعظم کو پیغام بھیجا کہ باہمی اختلافات جتنی جلد دور کر لیں اتنا ہی جمہوریت کے لیے بہتر ہے۔ مگر ظاہر ہے کہ اختلافات جب ذاتیات تک پہنچ جائیں تو پھر وہی ہوتا ہے جو ہوا۔ عبوری حکومت کے تحت انتخابات ہوئے۔ [[نواز شریف]] کو دوسری بار وزیرِ اعظم بننے کا موقع ملا۔

پھر جہانگیر کرامت کو سپہ سالاری کے ساتھ ساتھ چیئرمین جوائنٹ چیفس آف سٹاف کمیٹی کا عہدہ بھی تفویض کر دیا گیا۔ جب نواز شریف کی چیف جسٹس [[سجاد علی]] شاہ کے ساتھ ٹھن گئی تو اس لڑائی میں جنرل جہانگیر کرامت نے غیر جانبداری برتی۔ انھی کے دور میں بھارت کے جوہری دھماکوں کے جواب میں پاکستان نے بھی 28 مئی 1998 کو ایٹمی دھماکے کیے۔

ان کے دورِ سالاری میں یوکرین سے ٹینکوں کی خریداری کے کمیشن اور [[شمالی کوریا]] کو جوہری ٹیکنا لوجی کی فراہمی کے معاملات بھی اچھلے لیکن ٹھنڈے پڑ گئے۔