راغب سرجانی

ڈاکٹر راغب سرجانی حنفی (1964ء) ایک بلند پایہ مسلمان محقق اور مورخ ہیں۔ اسلامی تاریخ کی سب سے بڑی ویب گاہ قصۃ اسلام (Islam story) کے نگران اعلی ہیں۔ جو دنیا کی پانچ بڑی زبانوں میں اسلامی تاریخ کو پیش کرتی ہے۔ اس کے علاوہ قاہرہ یونیورسٹی کے میڈیکل کالج میں طب کے استاد ہیں۔مصر کے ایک علاقے محلۃ الکبری میں 1964 میں پیدا ہوئے۔

راغب سرجانی
(عربی میں: راغب السرجاني)
معلومات شخصیت
پیدائشی نام	(عربی میں: راغب الحنفي راغب السرجاني)
پیدائش	سنہ 1964ء (عمر 59–60 سال)  المحلہ الکبری
شہریت	مصر
عملی زندگی
مادر علمی	جامعہ قاہرہ
پیشہ	مصنف ،  واعظ
مادری زبان	عربی
پیشہ ورانہ زبان	عربی ،  انگریزی
ملازمت	جامعہ قاہرہ

تعلیم

1988ء میں جامعہ قاہرہ کے میڈیکل کالج سے امتیازی نمبروں سے پاس ہوئے۔ 1991ء میں قرآن مجید حفظ کیا۔ اس کے بعد جامعہ قاہرہ سے ماسٹر اور1998ء ڈاکٹریٹ کی ڈگری حاصل کی۔ موصوف عالمی اتحاد برائے علمائے مسلمین کے بھی رکن ہیں۔

تصانیف

ان کی اب تک 56 سے زائد تصانیف عربی زبان میں شایع ہو چکی ہیں۔ جو متعدد عالمی زبانوں جیسا کہ فرانسیسی، ہسپانوی، پرتگالی، انڈونیشین، چینی، روسی، ترکی اور فارسی میں ترجمہ ہو چکی ہیں۔

چند تصانیف:

• (عربی عنوان) قصة الأندلس من الفتح إلى السقوط (انڈونیشین ترجمہ: Bangkit dan runtuhnya Andalusia) جس میں اسلامی اندلس کی پوری تاریخ بیان کی گئی ہے فتح سے لے کر زوال تک۔
• (عربی عنوان) قصة التتار من البداية إلى عين جالوت ؛ جس میں دارالاسلام پر منگول حملے اور فتوحات کی تاریخ بیان کی گئی ہے جس میں جنگ عین جالوت میں مصریوں نے ہلاکو خان کو روک کر شکست دی۔

اعزازات

2007ء میں سعودی حکومت نے '' نبی رحمت کا تعارف'' کے عنوان سے منعقد ہونے والے مقابلے میں ان کی کتاب'' الرحمۃ فی حیاۃ الرسول '' کو اول آنے پر اعزاز سے نوازا۔

ان کی کتاب'' ماذا قدم المسلمون للعالم'' کو مبارک ایوارڈ نیز انڈونیشیا کی طرف سے 2014ء کی بہترین مترجم کتاب کا ایوارڈ دیا گیا۔ یہ کتاب عنقریب اردو میں ''مسلمانوں نے دنیا کو کیا دیا ''کے عنوان مترجم ہو کر آنے والی ہے۔