روبرٹو باجیو

روبرٹو باجیو (پیدائش: 18 فروری 1967ء) اٹلی کے سابق فٹ بالر ہیں جو 1990ء کی دہائی میں دنیا کے مقبول ترین کھلاڑی تھے۔ انھوں نے تین عالمی کپ میں ملک کی نمائندگی کی اور اٹلی کے واحد کھلاڑی ہیں جنھوں نے تین عالمی کپ میں گول اسکور کیے۔ وہ 1994ء کے عالمی کپ کے بہترین اطالوی کھلاڑی تھے جس میں ان کی کارکردگی کی بدولت اٹلی عالمی کپ کے فائنل تک پہنچا جہاں برازیل کے خلاف پنالٹی شوٹ آؤٹ کے مرحلے میں اُن کی جانب سے گول ضائع کرنے سے اٹلی عالمی کپ سے محروم ہو گیا۔ انھوں نے 1993ء میں یورپی فٹ بالر آف دی ایئر اور فیفا ورلڈ پلیئر آف دی ایئر کے اعزازات جیتے۔

روبرٹو باجیو
(اطالوی میں: Roberto Baggio)
شخصی معلومات
پیدائش	18 فروری 1967ء (57 سال)
شہریت	اطالیہ
قد	174 سنٹی میٹر
وزن	73 کلو گرام
تعداد اولاد	3
عملی زندگی
ٹیم
جووینٹیس (1990–1995) فیئورینٹینا ایف سی (1985–1990) انٹر میلان (1998–2000) اے سی میلان (1995–1997) اطالیہ قومی فٹ بال ٹیم (1988–2004)
کھیلنے کا مقام	فارورڈ
شرکت	1994 فیفا عالمی کپ 1998 فیفا عالمی کپ 1990 فیفا عالمی کپ
پیشہ	ایسوسی ایشن فٹ بال کھلاڑی
کھیل	ایسوسی ایشن فٹ بال
کھیل کا ملک	اطالیہ
اعزازات
سال کا بہترین فٹ بال کھلاڑی (1993)

انھوں نے اٹلی کی جانب سے کل 56 میچ کھیلے جن میں 27 گول کیے۔ وہ اٹلی کی جانب سے سب سے زیادہ گول کرنے والے کھلاڑیوں میں چوتھے نمبر پر ہیں۔ اپنے کیریئر کے دوران انھوں نے تین عالمی کپ (1990ء، 1994ء، 1998ء) میں شرکت کی جس میں انھوں نے9 گول کیے۔

باجیو پیدائشی کیتھولک مسیحی تھے لیکن بعد ازاں انھوں نے بدھ مذہب اختیار کر لیا تھا۔