زینت بیگم

زینت بیگم ( پیدائش: 1920ء— وفات: 12 نومبر 1966ء، لاہور) ہندوستانی و پاکستانی اداکارہ، گلوکارہ اور ہدایت کارہ تھیں۔

زینت بیگم
معلومات شخصیت
پیدائش	سنہ 1920ء   لاہور
وفات	12 نومبر 1966ء (45–46 سال)  لاہور
شہریت	بھارت (26 جنوری 1950–) ڈومنین بھارت
فنکارانہ زندگی
آلہ موسیقی	صوت
پیشہ	گلو کارہ ،  فلمی ہدایت کارہ
ویب سائٹ
	IMDB پر صفحات،  IMDB پر صفحات

ابتدائی حالات

زینت بیگم کا تعلق طوائف خاندان سے تھا اور وہ 1920ء میں لاہور میں پیدا ہوئی تھیں۔انھوں نے کلاسیکی موسیقی سیکھی۔ 1944ء میں زینت بیگم کا خاندان لاہور سے ممبئی منتقل ہو گیا حالانکہ اِس سے قبل 1937ء میں وہ لاہور سے بحیثیتِ پس پردہ گلوکارہ اپنی موسیقی کا آغاز کرچکی تھیں۔

بحیثیت پس پردہ گلوکارہ

انھیں متعارف کروانے کا سہرا پنڈت امر ناتھ کے سر ہے جنھوں نے زینت بیگم کو 1937ء میں ہندوستان میں متعارف کروایا۔ 1942ء میں وہ پہلی بار پس پردہ گلوکارہ کی حیثیت سے منظر عام پر آئیں جب گوویند رام کی فلم منگتی کے لیے گیت گائے۔ فلم منگتی (1942ء) لاہور کی وہ پہلی فلم تھی جس نے گولڈن جوبلی منائی۔ زینت بیگم کی پہلی ہندی زبان کی فلم نشانی (1942ء) تھی۔ زینت بیگم نے 1944ء کی فلم پنچھی کے لیے کئی مشہور گیت گائے۔ اِن میں شالیمار (1946ء)، شہر سے دور (1946ء) اور داسی (1944ء) شامل تھیں۔ممبئی میں انھوں متعدد موسیقاروں کے ہمراہ گیت گائے جن میں پنڈت حُسن لال بھگت رام، ماسٹر غلام حیدر، پنڈت گوبند رام شامل تھے۔ 1951ء کی ہندوستانی فلم مکھڑا زینت بیگم کی بحیثیتِ پس پردہ گلوکارہ آخری فلم تھی۔ 1951ء میں وہ ہجرت کرکے پاکستان آگئیں اور 1950ء کی دہائی کے اواخر تک گیت گاتی رہیں۔ زینت بیگم نے ہیر (1955ء) میں سہتی کا کردار اداء کیا تھا۔

مشہور گیت

مختلف فلموں میں اُن کے گیت مشہور ہوئے، جن میں یہ ہیں:

• پنچھی (1944ء)، اِس فلم مین گیت منورما پر فلمائے گئے تھے۔
• ریحانہ (1946ء)، اِس فلم میں گیت منورما پر فلمائے گئے تھے۔
• تیری یاد (فلم) (نمائش: 7 اگست 1948ء)، اِس فلم میں گیت اداکارہ آشا پوسلے پر فلمائے گئے تھے۔
• اک تیرا سہارا (1963ء)، اِس فلم میں گیت اداکارہ شمیم آرا پر فلمائے گئے تھے۔

وفات

زینت بیگم 12 نومبر 1966ء کو لاہور کو انتقال کرگئیں۔